ଧାନ ଗଦାରେ ନିଆଁ ଲାଗି ପୋଡି ପାଉଁଶ

ନବରଙ୍ଗପୁର: ନବରଙ୍ଗପୁର ଥାନା ନିସନାହାଣ୍ଡି ଗାଁରେ ଧାନ ମଳିବା ପାଇଁ ଖଳାରେ ୮ ଜଣ ଚାଷୀ ସେମାନଙ୍କ ୧୦ ଏକର ଧାନ ଫସଲ ୮ ଟି ଧାନ ଗଦା କରି ରଖିଥିବାବେଳେ ଆଜି ସେହି ଧାନ ଗଦାରେ କୌଣସି ପ୍ରକାର ନିଆଁ ଲାଗି ସବୁତକ ଫସଲ ଜଳି ପୋଡି ପାଉଁଶ ହୋଇଯାଇଛି। ଧାନ ଗଦାରେ ନିଆଁ ଲାଗିବା ଦେଖିବା ପରେ ସେହିସମୟରେ ସେଠାରେ ଉପସ୍ଥିତ ଥିବା ଲୋକ ନନ୍ଦାହାଣ୍ଡି ବ୍ଲକ ଅଗ୍ନିଶମ ବାହିନୀକୁ ଫୋନ କରି ଜଣାଇବା ପରେ ଘଟଣା ସ୍ଥଳରେ ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ। ଏହାପରେ ବି ନିଆଁ ଆୟତ୍ତ ନ ହେବାରୁ ନବରଙ୍ଗପୁର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଏହି ଧାନ ଗଦାମାନଙ୍କରେ ନିଆଁ କେମିତି ଲାଗିଲା ଏହା ବର୍ତ୍ତମାନ ସୁଦ୍ଧା ମଧ୍ୟ ସ୍ପଷ୍ଟ ହୋଇପାରିନାହିଁ। ଚାଷୀ ମାନେ ଧାର, ଉଧାର କରି ଚାଷ କରି ଧାନ ବିକ୍ରି କରିବା ପରେ ଧାର ସୁଝିବେ ଏବଂ ଲାଭ ଟଙ୍କାରେ ପରିବାର ଭରଣ ପୋଷଣ କରିବେ ବୋଲି ଭାବିଥିଲେ ଏବେ ତାଙ୍କ ମୁଣ୍ଡରେ ଚଡକ ପଡିଛି।

Comments
Loading...