ରଗଡି : କୋରେଇ ବ୍ଲକ ପଚ୍ଛିକୋଟ ପଞ୍ଚାୟତର ପୂର୍ବତନ ସରପଞ୍ଚ ତଥା ସମାଜସେବୀ ପୂର୍ଣ୍ଣଚନ୍ଦ୍ର ସାହୁଙ୍କ ପତ୍ନୀ ଶ୍ରୀମତୀ ଲୀନା ସାହୁ ଗ୍ୟାସ ନିଆଁରେ ପୋଡି ହୋଇ ଗୁରୁତର ଆହତ ହୋଇଛନ୍ତି । ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ନିମନ୍ତେ କଟକ ନିଆଯାଇଛି । ସୂଚନା ଥାଉକି ରବିବାର ଭୋର ୪ଟା ସମୟରେ ଶ୍ରୀମତୀ ସାହୁ ପ୍ରାତଃଭ୍ରମଣରେ ଯିବା ପୂର୍ବରୁ ପାଣି ଗ୍ୟାସରେ ଗରମ କରିଥାନ୍ତି । ସେ ପ୍ରତ୍ୟେକ ଦିନ ଭଳି ରୋଷେଇ ଘର କବାଟ ଖୋଲି ପାଣି ଗରମ କରିବା ପାଇଁ ଚୁଲାରେ ଅଗ୍ନି ସଂଯୋଗ କରିବା କ୍ଷଣି ପୂର୍ବରୁ ଘର ମଧ୍ୟରେ ଖୋଲା ରହିଥିବା ଗ୍ୟାସ ଯୋଗୁଁ ଏକ ବିସ୍ଫୋରଣ ଘଟିଥିଲା । ବିସ୍ଫୋରଣ ଏତେ ଜୋରରେ ଥିଲା ଯେ, ଏହା ଦ୍ୱାରା ଘର କାନ୍ଥରେ ଫାଟ ସୃଷ୍ଟି ହେବା ସହ ଝରକା କାଚ କବାଟ ଭାଙ୍ଗି ଯାଇଥିବା ଜଣାଯାଇଛି । ଯାହା ଫଳରେ ଶ୍ରୀମତୀ ସାହୁଙ୍କ ଦେହର ୭୦ଭାଗ ଅଂଶ ପୋଡି ହୋଇ ଗୁରୁତର ଆହତ ହୋଇଛନ୍ତି ।
Comments are closed.