ଫଣୀ ବିପନ୍ନଙ୍କୁ ମିଳିବ ପ୍ରଧାନମନ୍ତ୍ରୀ ଆବାସ
ସାକ୍ଷୀଗୋପାଳ : ଫଣୀ କ୍ରିୟାନୁଷ୍ଠାନ କମିଟି, ସତ୍ୟବାଦୀ ଓ ନବ ନିର୍ମାଣ କୃଷକ ସଂଗଠନ ତରଫରୁ ଗତ ସାମୁଦ୍ରିକ ବାତ୍ୟା ଫଣୀ ସହାୟତାରୁ ବଞ୍ଚିତ ପ୍ରକୃତ କ୍ଷତିଗ୍ରସ୍ତ ହିତାଧିକାରୀମାନଙ୍କ ପାଇଁ ସହାୟତା ଓ କ୍ଷତି ପୂରଣ ଦାବୀ କରି ସତ୍ୟବାଦୀ ତହସିଲ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଥିଲେ। ସତ୍ୟବାଦୀ ତହସିଲଦାର ଜୟନ୍ତ କୁମାର ଜୟ ସିଂ ଏ ନେଇ ଜିଲ୍ଲା ପ୍ରଶାସନ ସହିତ ଆଲୋଚନା କରିଥିଲେ। ଏହା ପରେ ତହସିଲଦାର ଶ୍ରୀ ଜୟ ସିଂ ଗଣଧାରଣାକାରୀ ମାନଙ୍କ ସହିତ ଆଲୋଚନା କରି ବାଦ ପଡ଼ିଥିବା ବିପନ୍ନ ହିତାଧିକାରୀ ମାନଙ୍କୁ ତଦନ୍ତ ରିପୋର୍ଟ ଅନୁଧ୍ୟାନ କରି ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ପ୍ରଦାନ କରାଯିବ ବୋଲି ପ୍ରକାଶ କରିଥିଲେ ।
ଏହି ଅବସରରେ ସତ୍ୟବାଦୀ ମଣ୍ଡଳ ଉନ୍ନୟନ ଅଧିକାରୀ କ୍ଷୀରୋଦ କୁମାର ବେହେରା, ଏସ ଡ଼ି ପି ଓ ଦେବଦତ୍ତ ବରାଳ ଓ ସତ୍ୟବାଦୀ ଆରକ୍ଷୀ ନିରୀକ୍ଷକ ଦେବୀ ପ୍ରସାଦ ପାତ୍ର ପ୍ରମୁଖ ଉପସ୍ଥିତ ଥିଲେ।
Comments are closed.