ଏହି ଉଚ୍ଚ ଝରଣାରେ ସହଜରେ ଚଢିଥାଆନ୍ତି ଲୋକେ ଜାଣନ୍ତୁ ଏହାର ବିଶେଷତ୍ୱ

ଦୁନିଆରେ ଏପରି ବହୁ ଜିନିଷ ଓ ସ୍ଥାନ ରହିଛି, ତାହାର ନିଜର ବିଶେଷତ୍ୱ କାରଣରୁ ଖୁବ ପ୍ରସିଦ୍ଧ। ଏପରି ହିଁ ଏକ ଝରଣା ରହିଛି, ଯାହା ବିଷୟରେ ହୁଏତ ଅଧିକାଂଶ ଲୋକେ ଜାଣନଥିବେ। ଏହି ଝରଣାର ବିଶେଷତ୍ୱ ହେଉଛି ଏଠାରେ ଆପଣ ଶେଷ ସ୍ଥାନରୁ ଉପର ସ୍ଥାନ ଯାଏଁ ବିନା ଖସି ଚଢିପାରିବେ। ଯାହା ଅନ୍ୟ ଝରଣାମାନଙ୍କ ନିକଟରେ ସାଧାରଣ ଭାବେ ସମ୍ଭବ ନୁହେଁ । ପାଦ ଖସିଲେ ଆଘାତ ଲାଗିବାର ସମ୍ଭାବନା ମଧ୍ୟ ଅଧିକ ଥାଏ।
ଏହି ଝରଣା ଟିର ନାମ ହେଉଛି ‘ବୁଆ ଟଙ୍ଗ’। ଏହା ଥାଇଲ୍ୟାଣ୍ଡରେ ସ୍ଥିତ। ଝଣଣାଟି ଏପରି ଭିନ୍ନ ଯେ ଆପଣ ବହୁଥିବା ପାଣିରେ ଦୌଡ଼ି ମଧ୍ୟ ଚଢି ପାରିବେ। ୩୩୦ ଫିଟ ଉଚ୍ଚତା ବିଶିଷ୍ଟ ଏହି ଝରଣାକୁ ଚିପଚିପା ଝରଣା ମଧ୍ୟ କୁହାଯାଏ। ଅନ୍ୟ ଏକ ବିଶେଷ କଥା ହେଉଛି ପଥରରେ ବହୁଥିବା ଏହି ଝରଣାର ପାଣି ଧଳା ରଙ୍ଗ ଭଳି ହିଁ ଦେଖାଯାଏ। ଏହି ଝରଣା କଡ଼ରେ ବନ୍ଧା ହୋଇଥିବା ରଶି ସାହାଯ୍ୟ ମଧ୍ୟ ଅନେକ ଲୋକେ ଝରଣା ଉପରକୁ ଚଢି ଥାଆନ୍ତି।
ଏଠାକାର ପଥର ଗୁଡ଼ିକୁ ଛୁଇଁଲେ ଏହା ଯେପରି ଖୁବ ନରମ ସେଭଳି ହିଁ ଅନୁଭବ ହୋଇଥାଏ। ଏହି ଜଳ ସ୍ରୋତରେ କ୍ୟାଲସିୟମର ମାତ୍ରା ଖୁବ ଅଧିକ ରହିଛି ବୋଲି କୁହାଯାଏ।
ଏହି ପାଣିର ରଙ୍ଗଧଳା ହୋଇଥିବାରୁ ଖିର ଭଳି ଜଣାପଡ଼ିଥାଏ।
ଅଧିକାଂଶ ଲୋକେ ଏହି ଝରଣାରେ ଶେଷ ସ୍ଥାନରୁ ଉପର ଅଂଶକୁ ଯିବାକୁ ଇଚ୍ଛା କରିବା ସହ ଏହାର ବେଶ ଆନନ୍ଦ ନେଇଥାଆନ୍ତି।

 

Comments
Loading...