କର୍ମଚାରୀ ଭବିଷ୍ୟନିଧି ପାଣ୍ଠିରେ ୩ ମାସରେ ୮ ଲକ୍ଷ ୪୭ ହଜାର ନୂଆ ସଦସ୍ୟ

ଚଳିତ ଆର୍ଥିକ ବର୍ଷର ପ୍ରଥମ ୩ ମାସରେ କର୍ମଚାରୀ ଭବିଷ୍ୟନିଧି ପାଣ୍ଠି – ଇ.ପି.ଏଫ୍‍.ଓ.ରେ ପ୍ରାୟ ୮ ଲକ୍ଷ ୪୭ ହଜାର ସଦସ୍ୟ ଯୋଗ ଦେଇଥିବା କେନ୍ଦ୍ର ଶ୍ରମ ଏବଂ କାର୍ମିକ ମନ୍ତ୍ରଣାଳୟ ସୂଚନା ଦେଇଛି। ଏହି ସୂଚନାରେ କୁହାଯାଇଛି, ଚଳିତ ବର୍ଷ ଏପ୍ରିଲ୍‍ ଏବଂ ମେ ମାସରେ କରୋନା ମହାମାରୀ ଦୃଷ୍ଟିରୁ ଏହି ସାମାଜିକ ସୁରକ୍ଷା ଯୋଜନାରେ ଖରାପ ପ୍ରଭାବ ପଡ଼ିଥିଲେ ମଧ୍ୟ ଏପ୍ରିଲ୍‍ ମାସରେ ୨୦ ହଜାର ଏବଂ ମେ ମାସରେ ୭୨ ହଜାର ନୂଆ ସଦସ୍ୟ ସାମିଲ୍‍ ହୋଇଥିଲେ।

ତେବେ ଜୁନ୍‍ ମାସରେ ରେକର୍ଡ଼ ସଂଖ୍ୟକ ୬ ଲକ୍ଷ ୫୫ ହଜାର ସଦସ୍ୟ ସାମିଲ୍‍ ହେବା ଫଳରେ ଏହି ଯୋଜନା ପୁଣି ପୂର୍ବସ୍ଥିତିକୁ
ଫେରିଛି। ମନ୍ତ୍ରଣାଳୟ କହିଛି, ନୂଆ ସଦସ୍ୟଙ୍କୁ ହିସାବକୁ ନେଲେ ମେ ମାସରେ ସଦସ୍ୟ ସଂଖ୍ୟା ୩ ଲକ୍ଷ ୩୦ ହଜାରରୁ ଜୁନ୍‍ ମାସରେ ୪ ଲକ୍ଷ ୯୮ ହଜାରକୁ ବୃଦ୍ଧି ପାଇଛି।

Comments
Loading...