ଭୁବନେଶ୍ୱର : ରାଜ୍ୟରେ ସଂକ୍ରମଣ ମାମଲା କମୁଥିବା ବେଳେ ଲକଡାଉନକୁ କୋହଳ କରିଛନ୍ତି ସରକାର। କ୍ୟାଟେଗୋରୀ ବି’ରେ ଥିବାରୁ ଭୁବନେଶ୍ୱରରେ ଦିନ ୨ଟା ଯାଏ ଦୋକାନ ବଜାର ଖୋଲିବାକୁ ଅନୁମତି ମିଳିଛି। ତେବେ ଭୁବନେଶ୍ୱରରେ ଥିବା ହାଟ ବଜାର ଗୁଡିକରେ ଜନ ଗହଳି ଦେଖିବାକୁ ମିଳୁଛି। ଲୋକ ମାସ୍କ ପିନ୍ଧୁନଥିବା ବେଳେ ସାମାଜିକ ଦୂରତା ରକ୍ଷା ହେଉନି। ଏଭଳି ଅମାନିଆଙ୍କୁ ସାବାଡ୍ କରିବାକୁ ବିଭିନ୍ନ ହାଟରେ ବିଏମସିର ଏନଫୋର୍ସମେଣ୍ଟ ସ୍କ୍ୱାଡ୍ ଶୁକ୍ରବାର ଚଢାଉ କରିଛି। ବିଏମସି ଓ କମିଶନରେଟ୍ ପୋଲିସର ମିଳିତ ଏନଫୋର୍ସମେଣ୍ଟ ସ୍କ୍ୱାଡ୍ ଆଜି କିଟ୍ ହାଟ, ସିରିପୁର, ବରଗଡ଼, ଝାରପଡ଼ା, ଭିଏସଏସ ନଗର ମାର୍କେଟ, ୟୁନିଟ୍-୧ ସହ ୟୁନିଟ୍-୪ ମାର୍କେଟରେ ରେଡ୍ କରିଛି। ଚଢାଉ ବେଳେ ଗହଳି ହୋଇଥିବା ଦୋକାନରେ ବ୍ୟବସାୟୀଙ୍କୁ ତାଗିଦ୍ କରାଯିବା ସହ ଆବଶ୍ୟକସ୍ଥଳେ ଜରିମାନା ଆଦାୟ କରାଯାଇଛି।
ଏନଫୋର୍ସମେଣ୍ଟ ସ୍କ୍ୱାଡ୍ କୋଭିଡ ଗାଇଡ ଲାଇନ ଉଲ୍ଲଙ୍ଘନ ପାଇଁ ଭିଏସଏସ ନଗର ମାର୍କେଟ ସିଲ କରିଛି। ପରବର୍ତ୍ତୀ ନିର୍ଦେଶନାମା ପର୍ଯ୍ୟନ୍ତ ଭିଏସଏସ ନଗର ମାର୍କେଟ ବନ୍ଦ ରହିବ।
Comments are closed.