ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ: ଟଳିଲେ ୨ ଆତଙ୍କୀ, ୩ ଯବାନ ଆହତ

ଜମ୍ମୁ: ଜମ୍ମୁ-କଶ୍ମୀରରେ ଶନିବାର ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଘଟିଛି। ସୁରକ୍ଷା ବାହିନୀର ଏକ ମିଳିତ ଦଳ ଏହି ଅପରେସନ୍‍ କରୁଛନ୍ତି। ଏଥିରେ ୨ ଜଣ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି। ତେବେ ଏପର୍ଯ୍ୟନ୍ତ ଉଭୟଙ୍କୁ ଚିହ୍ନଟ କରାଯାଇ ନାହିଁ। ଗୁଳି ବିନିମୟରେ ୩ ଜଣ ଯବାନ ଆହତ ହୋଇଛନ୍ତି। ଆହତ ଯବାନମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ଅପରେସନ୍‍ ଜାରି ରହିଛି।

ସୂତ୍ରରୁ ପ୍ରକାଶ ଯେ, ବାନ୍ଦିପୋରାର ସୋକବାବା ଜଙ୍ଗଲ ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ବିଷୟରେ ବିଶେଷ ସୂଚନା ମିଳିବା ପରେ ବାନ୍ଦିପୋରା ପୁଲିସ, ସେନାର ୧୩ ଏବଂ ୧୪ ଆରଆର(ରାଷ୍ଟ୍ରୀୟ ରାଇଫଲ୍ସ) ଓ ସିଆରପିଏଫର ମିଳିତ ଟିମ୍‍ ସର୍ଚ୍ଚ ଅପରେସନ ଆରମ୍ଭ କରିଥିଲେ। କଡ଼ା କର୍ଡ଼ନ ଦେଖି ଆତଙ୍କବାଦୀମାନେ ଅତର୍କିତ ଗୁଳି ଚାଳନା କରିଥିଲେ। ଏହାପରେ ଯବାନମାନେ ନେତୃତ୍ୱ ନେଇ ଆତଙ୍କବାଦୀଙ୍କୁ ଆତ୍ମସମର୍ପଣ କରିବାକୁ ସୁଯୋଗ ଦେଇଥିଲେ। କିନ୍ତୁ ଆତଙ୍କୀ ଅନବରତ ଗୁଳି ଚଳାଇ ଚାଲିଥିଲେ। ଫଳସ୍ୱରୂପ ସୁରକ୍ଷାବାହିନୀଙ୍କ ଦ୍ୱାରା ଦୁଇ ଆତଙ୍କୀ ନିହତ ହୋଇଥିଲେ। ତେବେ ଏହି ଏନକାଉଣ୍ଟରରେ ତିନି ଜଣ ଯବାନ ଆହତ ହୋଇଛନ୍ତି। ଜଣେ ଅଧିକାରୀ କହିଛନ୍ତି ଯେ, ଆଜି ସକାଳେ ସୁରକ୍ଷା ବାହିନୀ ସନ୍ଦିଗ୍ଧ ସ୍ଥାନ ଆଡକୁ ଯାଉଥିବାବେଳେ ଲୁଚି ରହିଥିବା ମାଓବାଦୀମାନେ ସେମାନଙ୍କ ଉପରକୁ ଗୁଳି ଚଳାଇଥିଲେ ଓ ଏହାପରେ ଉଭୟ ପକ୍ଷରୁ ଗୁଳି ବିନିମୟ ଆରମ୍ଭ ହୋଇଥିଲା।

Comments
Loading...