ପଇଡ଼ ମଦ ପିଇ ୧୧ ମୃତ, ୩୦୦ ଅସୁସ୍ଥ

ମାନିଲା : ଫିଲିପାଇନ୍ସରେ ଆୟୋଜିତ ଏକ ବଡ଼ ଦିନ ଉତ୍ସବରେ ପଇଡ଼ ପ୍ରସ୍ତୁତ ମଦ ପିଇ ୧୧ଜଣଙ୍କ ପ୍ରାଣହାନି ଘଟିଛି ଓ ଅନ୍ୟ ୩୦୦ ଅସୁସ୍ଥ ହୋଇପଡ଼ିଛନ୍ତି। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ରାଜଧାନୀ ମାନିଲାର ଦକ୍ଷିଣରେ ଅବସ୍ଥିତ ଲାଗୁନା ଓ ​‌େ​‌କ୍ବଜନ୍‌ଠାରେ ଗତ ଦୁଇ ତିନି ଧରି ଆୟୋଜିତ ଉତ୍ସବରେ ସାମିଲ ଲୋକମାନେ ‘ଲାମ୍ବାନଗ’ ପାନୀୟ ପିଇଥିଲେ। ପଇଡ଼ରୁ ପ୍ରସ୍ତୁତ ଏହି ପାନୀୟ ସମ୍ପୃକ୍ତ ଅଞ୍ଚଳରେ ବେଶ୍‌ ଲୋକପ୍ରିୟ ଏବଂ ଉତ୍ସବାନୁଷ୍ଠାନ ସମୟରେ ସମସ୍ତେ ଏହାକୁ ପାନ କରନ୍ତି। ଏହାର ପ୍ରସ୍ତୁତି ଓ ବିକ୍ରୟ ଉପରେ କୌଣସି ସରକାରୀ ନିୟନ୍ତ୍ରଣ ନ ଥାଏ। ଅନେକ ସମୟରେ ଏହା ଅପମିଶ୍ରଣ କାରଣରୁ ବିଷାକ୍ତ ହୋଇଯାଇଥାଏ। ଏହି କାରଣରୁ ସାମ୍ପ୍ରତିକ ଦୁର୍ଘଟଣା ଘଟିଥିବା ଆଶଙ୍କା କରାଯାଉଛି। ଏହି ପରିପ୍ରେକ୍ଷୀରେ ସୋମବାର ସ୍ବାସ୍ଥ୍ୟ ବିଭାଗ ପକ୍ଷରୁ ମୃତକଙ୍କ ରକ୍ତ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି।

Comments
Loading...