ଟିଟିଲାଗଡ : ଟିଟିଲାଗଡ ବ୍ଲକ ଅନ୍ତର୍ଗତ ଶଗଡଘାଟ ଗ୍ରାମ ପଞ୍ଚାୟତ କାର୍ଯ୍ୟାଳୟରେ କେନ୍ଦ୍ର ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଆୟୋଜିତ ଦୁଇ ଦିବସୀୟ ‘ଏକ ଭାରତ ଶ୍ରେଷ୍ଠ ଭାରତ’ କାର୍ଯ୍ୟକ୍ରମ ଉଦଯାପିତ ହୋଇଛି । ଏହି କାର୍ଯ୍ୟକ୍ରମର ପ୍ରଥମ ଦିବସରେ ବଲାଙ୍ଗୀର ଲୋକସଭା ସାଂସଦ ସଙ୍ଗୀତା ସିଂଦେଓ ଯୋଗଦାନ କରି ଦେଶ ତଥା ବିଭିନ୍ନ ପ୍ରାନ୍ତରେ ଧର୍ମ, ଜାତି, ସାଂସ୍କୃତିକ ବିବିଧତା ଥିବା ସତ୍ତ୍ବେ ଆମେ ସମସ୍ତ ଭାରତୀୟ ଗୋଟିଏ ପରିବାର । ଏଣୁ ଆମେ ସମସ୍ତେ ପରସ୍ପର ମଧ୍ୟରେ ସମଭାବ, ସୌହାର୍ଦ୍ଦ୍ୟ ରକ୍ଷା ପାଇଁ ଚେଷ୍ଟା କରିବା ଉଚିତ ବୋଲି ତାଙ୍କ ଅଭିଭାଷଣରେ କହିଥିଲେ। ଦ୍ବିତୀୟ ଦିବସ ଅର୍ଥାତ ଉଦଯାପନୀ ଦିବସରେ ବଲାଙ୍ଗୀର ଜିଲ୍ଲା ପରିଷଦ ଅଧ୍ୟକ୍ଷା ଭାରତି ମହାନନ୍ଦ, ଉପଜିଲ୍ଲାପାଳ ସୁଧାକର ନାୟକ, ବିଡିଓ ନବୀନ ଚନ୍ଦ୍ର ନାୟକ, ଟିଟିଲାଗଡ ଡିଏଭି ସ୍ବୟଂ ଶାସିତ କଲେଜ ଓଡିଆ ବିଭାଗ ପ୍ରଫେସର ଡଃ ଦୋଳଗୋବିନ୍ଦ ବିଶି, ଇଂରାଜୀ ବିଭାଗ ଅଧ୍ୟାପକ ଜୟଦେବ କର, ସରପଞ୍ଚ ଅଲିତା ସାହୁ, ମନ୍ତାଳୟର କ୍ଷେତ୍ର ଅଧିକାରୀ ବିଷ୍ଣୁ ଚରଣ ସାହୁ ପ୍ରମୁଖ ଉପସ୍ଥିତ ଥିଲେ । ଶାନ୍ତି ମୈତ୍ରୀ ପ୍ରତିଷ୍ଠା ଏବଂ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଅବଗତ କଲେ ଅତିଥି । ଏ ଅବସରରେ ମହିଳାଙ୍କ ଦ୍ବାରା ସଚେତନତା ଶୋଭାଯାତ୍ରା , ବିଭିନ୍ନ ପ୍ରତିଯୋଗିତା ଏବଂ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।
Comments are closed.