MEllora 950×100

ଶୀଘ୍ର ବଦଳାନ୍ତୁ ଏହି ଅଭ୍ୟାସ ; ନଚେତ୍‍ ଭୋଗିପାରନ୍ତି ଅନେକ ସମସ୍ୟା

ଉତ୍ତମ ସ୍ୱାସ୍ଥ୍ୟ ପାଇଁ ସ୍ୱାସ୍ଥ୍ୟକର ଖାଦ୍ୟ ଖାଇବା ନିତାନ୍ତ ଆବଶ୍ୟକ । ପ୍ରତ୍ୟେକଙ୍କୁ ନିଜ ଭୋଜନର ସମୟ ଓ ନିୟମ ପ୍ରତି ଧ୍ୟାନ ଦେବା ମଧ୍ୟ ଆବଶ୍ୟକ । ଖାଦ୍ୟ ସଠିକ ସମୟରେ ଖାଇବା ଦ୍ୱାରା ପାଚନ ସୁସ୍ଥ ରହିଥାଏ । ରୋଗ ମଧ୍ୟ ଶରୀରରୁ ଦୂରେଇ ରଖିଥାଏ । ବ୍ୟାୟାମ କରିବା ସହ ଭୋଜନର ନିୟମର ମଧ୍ୟ ପାଳନ କରିବା ଆବଶ୍ୟକ ।
ଏଭଳି କିଛି ଖାଦ୍ୟ ଜିନିଷ ରହିଛି, ଯାହାକୁ ଭୋଜନ ପରେ ଖାଇବା ଦ୍ୱାରା ସ୍ୱାସ୍ଥ୍ୟ ଜନିତ ସମସ୍ୟା ସୃଷ୍ଟି ହୋଇଥାଏ । ତେବେ ଜାଣନ୍ତୁ ଖାଦ୍ୟ ଖାଇବା ସମୟରେ ଓ ପରେ କେଉଁ ଭୁଲ୍‍ କରିବା ଉଚିତ ନୁହେଁ..
ଭୋଜନ ପରେ ସ୍ନାନ କରିବା ଆଦୌ ଉଚିତ ନୁହେଁ । ଏପରି କରିବା ଦ୍ୱାରା ଶରୀରର ତାପମାତ୍ରା ପରିବର୍ତ୍ତନ ହୋଇଥାଏ । ଏହାର କୁପ୍ରଭାବ ପାଚନ ତନ୍ତ୍ର ଉପରେ ପକାଇଥାଏ । ଫଳରେ ଖାଦ୍ୟ ହଜମରେ ନାନା ସମସ୍ୟା ହୋଇଥାଏ । ସଠିକ ଭାବେ ହଜମ ନହେବା ଫଳରେ ଶରୀରକୁ ଆବଶ୍ୟକ ପୋଷକ ତତ୍ତ୍ୱ ମିଳିପାରିନଥାଏ । ଏସିଡିଟି,କୋଷ୍ଠକାଠିନ୍ୟ,ଗ୍ୟାଷ୍ଟ୍ରିକର ଏହା ମୁଖ୍ୟ କାରଣ ।
ଭୋଜନ କରିବା ପରେ ଅନେକ ଲୋକେ ବ୍ୟାୟାମ କରିଥାଆନ୍ତି । ଏହାଦ୍ୱାରା ପେଟରେ ଅନେକ ଯନ୍ତ୍ରଣା ହୋଇଥାଏ । ଖାଦ୍ୟ ଖାଇବା ପରେ ଆଦୌ ବ୍ୟାୟାମ କରନ୍ତୁ ନାହିଁ । ଏପରି କରିବା ଦ୍ୱାରା ବାନ୍ତି ଓ ଏସିଡିଟି ସମସ୍ୟା ମଧ୍ୟ ହୋଇଥାଏ ।
ଅଧିକାଂଶ ଖାଦ୍ୟ ଖାଇବା ପରେ ଶୋଇ ଥାଆନ୍ତି କିମ୍ବା ଖଟରେ ଶୋଇ ବିଶ୍ରାମ ନିଅନ୍ତି । ଏହା ସାଧାରଣ କଥା । ମାତ୍ର ଖାଦ୍ୟ ଖାଇବା ପରେ ତୁରନ୍ତ ଏପରି କରନ୍ତୁ ନାହିଁ । ଏହାଦ୍ୱାରା ପାଚନ ରସ ଛାତି ପର୍ଯ୍ୟନ୍ତ ଉଠିବା ସହ ଛାତି ଓ ଗଳାରେ ଜଳାପୋଡା ଓ ଏସିଡିଟି ହୋଇଥାଏ । ୩୦ ମିନିଟ୍‍ ଯାଏଁ ଆଦୌ ଶୁଅନ୍ତୁ ନାହିଁ ।
ଖାଦ୍ୟ ଖାଇବା ପରେ ଅଧିକ ପାଣି କିମ୍ବା ଖାଇବା ପରେ ଅତି ଆବଶ୍ୟକ ନହେଲେ ତୁରନ୍ତ ପାଣି ପିଅନ୍ତୁ ନାହିଁ । ଖାଦ୍ୟ ଖାଇବା ପରେ ତୁରନ୍ତ ପାଣି ପିଇବା ଦ୍ୱାରା ପାଚନ ତନ୍ତ୍ର ଉପରେ ପ୍ରଭାବ ପଡିଥାଏ । ଅଧିକାଂଶ ଭୋଜନରେ ମସଲା ତରକାରୀ, ଡ଼ାଲି ସହ ଅନ୍ୟାନ୍ୟ ତେଲ ଯୁକ୍ତ ପଦାର୍ଥ ଖାଇ ଥାଆନ୍ତି । ତେଣୁ ଏସବୁ ଖାଇବା ପରେ ତୁରନ୍ତ ପାଣି ପିଇବା ଦ୍ୱାରା ପେଟ ଜନିତ ଅନେକ ରୋଗ ସୃଷ୍ଟି ହୋଇଥାଏ ।
ଖାଦ୍ୟ ଖାଇବା ପରେ ତୁରନ୍ତ ଦୌଡିବା କିମ୍ବା ତଳକୁ ନଇଁ କୌଣସି କାମ କରନ୍ତୁ ନାହିଁ । ଏହାଦ୍ୱାରା ମଧ୍ୟ ଏସିଡିଟି ସମସ୍ୟା ହୋଇଥାଏ ।
ଖାଦ୍ୟ ଖାଇବା ପରେ ଅନେକ ଲୋକେ ଫଳ ଖାଇବାକୁ ପସନ୍ଦ କରିଥାଆନ୍ତି । ମାତ୍ର ଏପରି ଅଭ୍ୟାସ ଥିଲେ ବଦଲାନ୍ତୁ । ଖାଦ୍ୟ ଖାଇବା ପରେ ଫଳ ସେବନ ଦ୍ୱାରା ଖାଦ୍ୟରୁ ପୋଷକ ତତ୍ତ୍ୱ ସଠିକ ଭାବେ ଶରୀରକୁ ଅବଶୋଷଣ ହୋଇ ପାରିନଥାଏ ।
ଖାଦ୍ୟ ଖାଇବା ପରେ ଭୁଲରେ ମଧ୍ୟ ଚା’ କିମ୍ବା କଫିର ଆଦୌ ସେବନ କରନ୍ତୁ ନାହିଁ । ଏହା ଖାଦ୍ୟରେ ଥିବା ପୋଷକ ତତ୍ତ୍ୱର ଗୁଣକୁ ନଷ୍ଟ କରିଥାଏ ।
ଖାଦ୍ୟ ଖାଇବା ପରେ କୌଣସି ନିଶାଯୁକ୍ତ ଦ୍ରବ୍ୟର ସେବନ କରନ୍ତୁ ନାହିଁ । ଏହା ଶରୀରରେ ଅନେକ ମାରାତ୍ମକ ରୋଗର କାରଣ ହୋଇଥାଏ ।

Comments are closed.