ରୟାଲ ଆମେରିକାନ ବିଶ୍ବବିଦ୍ୟାଳୟ ପକ୍ଷରୁ ସମ୍ମାନଜନକ ଡକ୍ଟରେଟ ଉପାଧି ପାଇବେ ସାଧୁରାମ ଅଗ୍ରୱାଲ

ନର୍ଲା : କଳାହାଣ୍ଡି ଜିଲ୍ଲା ନର୍ଲା ବ୍ଲକ ରୁପ୍ରାରୋଡର ସ୍ଥାୟୀ ବାସିନ୍ଦା, ବରିଷ୍ଠ ନାଗରିକ, ବର୍ଷିଆନ ସମାଜସେବୀ ତଥା ବର୍ତ୍ତମାନ ‘ସମାଜ’ ଖବର କାଗଜ ନର୍ଲା ପାଠକ ମଞ୍ଚର ସଭାପତି ସାଧୁରାମ ଅଗ୍ରୱାଲ ସମ୍ମାନଜନକ ଡକ୍ଟରେଟ ଉପାଧି ପାଇବା ପାଇଁ ମନୋନୀତ ହୋଇଛନ୍ତି । ବୁଧବାର ଏ ସଂପର୍କରେ ରୋୟାଲ ଆମେରିକାନ ବିଶ୍ବବିଦ୍ୟାଳୟ ତରଫରୁ ସୂଚନା ଦିଆଯାଇଛି ।

ଭାରତୀୟ ପ୍ରତିନିଧି ଡଃ ପୱନ କୁମାର ଭୂତଙ୍କ ଦ୍ବାରା ପ୍ରେରିତ ସୂଚନା ହସ୍ତଗତ ହୋଇଛି । ଶ୍ରୀ ଅଗ୍ରୱାଲ ନିଜ ଜୀବନ କାଳରେ ଜଣେ ସଂଗ୍ରାମୀ ଭାବରେ ସାଧାରଣ ଜନତାଙ୍କ ସେବାରେ ନିଜକୁ ନିୟୋଜିତ କରିବା ସହ ଅଞ୍ଚଳରେ ବିଭିନ୍ନ ସରକାରୀ ସୁବିଧା ଉପଲବ୍ଧ କରେବାରେ ସଫଳ ହୋଇପାରିଛନ୍ତି । ରୁପ୍ରାରୋଡ ହାଇସ୍କୁଲର ପ୍ରତିଷ୍ଠାତା ସଂପାଦକ ଭାବରେ କାର୍ଯ୍ୟକରି ଅନେକ ଶିକ୍ଷାନୁଷ୍ଠାନ ପ୍ରତିଷ୍ଠା କରିବା ସହ ସ୍ବାସ୍ଥ୍ୟ, ଗମନାଗମନର ବ୍ୟବସ୍ଥାକୁ ସୁଧାରିବାରେ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି । ଏହାକୁ ହୃଦୟଙ୍ଗମ କରି ରୟାଲ ଆମେରିକାନ ବିଶ୍ବବିଦ୍ୟାଳୟ ତରଫରୁ ତାଙ୍କୁ ଡକ୍ଟରେଟ ପ୍ରଦାନ ପାଇଁ ନିଷ୍ପତ୍ତି ନିଅ ଯାଇଥିବା ଜଣାପଡିଛି ।

ଏହା ଜଣା ପଡିବା ପରେ ଅଞ୍ଚଳରେ ଖୁସିର ଲହରୀ ଖେଳିଯିବା ସହ ବିଭିନ୍ନ ମହଲରୁ ଶ୍ରୀ ଅଗ୍ରୱାଲଙ୍କ ନିକଟକୁ ଶୁଭେଚ୍ଛା ବାର୍ତ୍ତା ପହଞ୍ଚିଛି । ନିଜର ପ୍ରତିକ୍ରିୟାରେ ସେ କହିଛନ୍ତି ଯେ ସେବା ଧର୍ମ ସର୍ବଦା ମାନବକୁ ସମ୍ମାନ ଓ ଶାନ୍ତି ପ୍ରଦାନ କରିଥାଏ । ଏହା ମୁଁ ଜନ୍ମରୁ ବିଶ୍ବାସ କରେ । ଏଥିପାଇଁ ସେ ଇଶ୍ବରଙ୍କୁ, ମୋ ମାଟି ମାଆକୁ ଓ ସମଗ୍ର ମାନବ ଜାତିକୁ ନିଜର କୃତଜ୍ଞତା ଜଣାଇଛନ୍ତି ।

ଏହା ଆସନ୍ତା ୩୦ ତାରିଖରେ କୋଲକାତାରେ ତାଙ୍କୁ ଏହି ପ୍ରଦାନ କରାଯିବ ବୋଲି ଜଣାପଡିଛି।

 

Comments
Loading...