ଆଜିଠୁ ଖୋଲିବ ଶାନ୍ତିସ୍ତୁପ ଧଉଳି

ଭୁବନେଶ୍ବର: କରୋନା କଟକଣା ଯୋଗୁ ଦୀର୍ଘ ୭ ମାସ ପରେ ଆଜିଠାରୁ ଖୋଲିବ ଐତିହାସିକ ପର୍ଯ୍ୟଟନସ୍ଥଳ ଶାନ୍ତିସ୍ତୁପ ଧଉଳି। ଆଜିଠାରୁ ପର୍ଯ୍ୟଟକଙ୍କ ଭ୍ରମଣ ପାଇଁ ଶାନ୍ତିସ୍ତୁପ ଧଉଳି ଖୋଲିବାକୁ ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି।
ପର୍ଯ୍ୟଟକ ଏଥର ଶାନ୍ତିସ୍ତୁପ ଧଉଳି ଭ୍ରମଣ କରି ପ୍ରାକୃତିକ ପରିବେଶର ଅପରୂପ ସୌନ୍ଦର୍ୟ୍ୟ ଉପଭୋଗ କରିପାରିବେ। ଧଉଳି ଭ୍ରମଣରେ କୌଣସି କଟକଣା ନାହିଁ। କିନ୍ତୁ ପର୍ଯ୍ୟଟକ କୋଭିଡ ମହାମାରୀ ଠାରୁ ନିଜକୁ ଦୂରେଇ ରଖିବା ପାଇଁ ସମାଜିକ ଦୂରତ୍ବ ମାନିବା ଏବଂ ମାସ୍କ ବ୍ୟବହାର ପ୍ରତି ଧ୍ୟାନ ଦେବାକୁ କୁହାଯାଇଛି। ପର୍ଯ୍ୟଟକଙ୍କ ଭ୍ରମଣର ଆଗମନକୁ ଲକ୍ଷ୍ୟ ରଖି ସପ୍ତାହକ ମଧ୍ୟରେ ଧଉଳି ବସ ଷ୍ଟାଣ୍ଡରେ ପୂର୍ବ ଭଳି ପର୍ଯ୍ୟଟକଙ୍କ ଉଦ୍ଦେଶ୍ୟରେ ସଟଲ ବସର ସୁବିଧା ସହିତ ଲାଇଟ ଆଣ୍ଡ ସାଉଣ୍ଡ ଶୋ କାର୍ଯ୍ୟକ୍ରମକୁ ଚାଲୁ କରିଯିବ ବୋଲି ଭୁବନେଶ୍ବର ପର୍ଯ୍ୟଟନ ଅଧିକାରୀ ଦାୟିତ୍ୱରେ ଥିବା ଅଜୟ କୁମାର ରାଉତ ସୂଚନା ଦେଇଛନ୍ତି।

Comments
Loading...