ଭୁବନେଶ୍ୱର : ମହିଳାଙ୍କୁ ଅସମ୍ମାନ ଅଭିଯୋଗରେ ଧାମନଗର ବିଧାୟକଙ୍କ ବିରୋଧରେ ରାଜ୍ୟ ମହିଳା ଆୟୋଗଙ୍କ ନିକଟରେ ବୁଧବାର ଅଖିଳ ଭାରତ ଗଣତାନ୍ତ୍ରିକ ମହିଳା ସମିତି ଅଭିଯୋଗ କରିଛି।
ଗତ ୧୦ ଡିସେମ୍ବର ବିଶ୍ୱ ମାନବ ଅଧିକାର ଦିବସରେ ଭଦ୍ରକଠାରେ ଅନୁଷ୍ଠିତ କାର୍ଯ୍ୟକ୍ରମ ଅବସରରେ ଅଖିଳ ଭାରତ ଗଣତାନ୍ତ୍ରିକ ମହିଳା ସମିତିର କେନ୍ଦ୍ରୀୟ ସମ୍ପାଦିକା ତାପସୀ ପ୍ରହରାଜଙ୍କୁ ବିଜେପି ବିଧାୟକ ବିଷ୍ଣୁ ସେଠୀ ଅଶାଳୀନ ବ୍ୟବହାର କରିବା ସହ ଧମକ େଦଇଥିବା ଅଭିଯୋଗ ହୋଇଥିଲା। ଏହାର ପ୍ରତିବାଦରେ ସମିତିର ଭୁବନେଶ୍ୱର ଜିଲା କମିଟି ତରଫରୁ ଦାବିପତ୍ର ପ୍ରଦାନ କରାଯାଇଛି। ସୂଚନାଯୋଗ୍ୟ, ଶ୍ରୀ ସେଠୀଙ୍କ ଏତାଦୃଶ ଆଚରଣ ବିରୋଧରେ ଭଦ୍ରକ ଗ୍ରାମାଞ୍ଚଳ ଥାନାରେ ଗତ ୧୧ ତାରିଖରେ ଏତଲା ଦାଏର ହୋଇଛି। ମାତ୍ର ଆଜିପର୍ଯ୍ୟନ୍ତ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ତେଣୁ ଘଟଣାର ତଦନ୍ତ କରି ଶ୍ରୀମତୀ ପ୍ରହରାଜଙ୍କ ସହିତ ସମସ୍ତ ମହିଳାଙ୍କୁ ନ୍ୟାୟ ଓ ସୁରକ୍ଷା ଦେବାପାଇଁ ସମିତିର କର୍ମକର୍ତ୍ତା ନିବେଦନ କରିଛନ୍ତି।
Comments are closed.