ଡିଏଫ୍‌ଓ ସଂଗ୍ରାମ ବେହେରାଙ୍କ ହେଲା ଲାଇ ଡିଟେକ୍‌ସନ ଟେଷ୍ଟ, ପଚରାଗଲା ପ୍ରାୟ ୧୦୦ ପ୍ରଶ୍ନ

ଭୁବନେଶ୍ୱର: ପାରଳାଖେମୁଣ୍ଡି ସହକାରୀ ବନ ସଂରକ୍ଷକ(ଏସିଏଫ୍‌) ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ଡିଏଫଓ ସଂଗ୍ରାମ କେଶରୀ ବେହେରାଙ୍କଠାରୁ ସତ ଜାଣିବା ପାଇଁ ପୁଲିସ ପକ୍ଷରୁ ଘନ ଘନ ଜେରା କରାଯାଉଛି। ଆଜି ଡିଏଫ୍‌ଓ ସଂଗ୍ରାମ କେଶରୀ ବେହେରାଙ୍କର ଲାଇ ଡିଟେକ୍ସନ ଟେଷ୍ଟ କରାଯାଇଥିବା ବିଶ୍ବସ୍ତ ସୂତ୍ରରୁ ସୂଚନା ମିଳିଛି। ଭୁବନେଶ୍ୱର ଫରେନସିକ୍‌ ଲ୍ୟାବରେ ଆଜି ତାଙ୍କର ଲାଇ ଡିଟେକ୍ସନ ଟେଷ୍ଟ ହୋଇଛି। ଡିଏଫ୍‌ଓ ସଂଗ୍ରାମ ବେହେରାଙ୍କୁ ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଲାଇ ଡିଟେକ୍‌ସନ ଟେଷ୍ଟ କରାଯାଇଥିଲା। ଏହି ଲାଇ ଡିଟେକ୍‌ସନ ଟେଷ୍ଟରେ ତାଙ୍କୁ ପ୍ରାୟ ୧୦୦ଟି ପ୍ରଶ୍ନ ପ୍ରଚରା ଯାଇଛି ବୋଲି ଜଣାପଡ଼ିଛି।

 

ପାରଳାଖେମୁଣ୍ଡି ସହକାରୀ ବନ ସଂରକ୍ଷକ(ଏସିଏଫ୍‌) ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ଡିଏଫ୍‌ଓ ସଂଗ୍ରାମ କେଶରୀ ବେହେରାଙ୍କୁ ଲାଇ ଡିଟେକ୍ସନ ଟେଷ୍ଟ କରାଯିବାନେଇ ବିଶ୍ୱସ୍ତ ସୂତ୍ରରୁ ସୂଚନା ମିଳିଛି। ସେହିପରି ସୌମ୍ୟଙ୍କ ରୋଷେୟା ମନ୍ମଥ କୁମ୍ଭଙ୍କର ମଧ୍ୟ ଲାଇ ଡିଟେକ୍ସନ ଟେଷ୍ଟ ହୋଇଥିବା ସୂଚନା ମିଳିଛି। ଏଥିପାଇଁ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଉଭୟଙ୍କର ଲାଇ ଡିଟେକ୍‌ସନ ଟେଷ୍ଟ ପାଇଁ ପଦକ୍ଷେପ ଗ୍ରହଣ କରାଯାଇଥିଲା। ତେବେ ଡିଏଫଓ ସଂଗ୍ରାମ ବେହେରା ଏବଂ ସୌମ୍ୟଙ୍କ ରୋଷେୟା ମନ୍ମଥ କୁମ୍ଭ କେତେ ସତ କହିଛନ୍ତି ଏବଂ କେତେ ମିଛ କହିଛନ୍ତି ତାହା ଜଣାପଡ଼ି ନାହିଁ। ଲାଇ ଡିଟେକ୍‌ସନ ଟେଷ୍ଟ ରିପୋର୍ଟ ଆସିବା ପରେ ଉଭୟଙ୍କ ପାଇଁ କ’ଣ ପଦକ୍ଷେପ ନିଆଯାଇପାରିବ ତାହା ଜଣାପଡ଼ିବ।

Comments
Loading...