ଦେଓଗାଁ: ଦୀର୍ଘ ଦିନ ହେଲା ଭିତ୍ତି ପ୍ରସ୍ତର ସ୍ଥାପନ କରାଯାଇଥିଲେ ମଧ୍ୟ କାମ ଆରମ୍ଭ ହେଉ ନାହିଁ, ନିର୍ଦ୍ଧାରିତ ସମୟ ସୀମା ମଧ୍ୟରେ ଶେଷ ହୋଇଥିବା ପ୍ରକଳ୍ପର ଠିକ ଭାବେ ବିଲ ପଇଠ ହେଉ ନାହିଁ। ଏପରି ସ୍ଥିତିରେ ଦେଓଗାଁ ବ୍ଳକରେ କାମ ଚାଲିଥିବା ବେଳେ ବିନା ଅନୁମୋଦନରେ ପ୍ରକଳ୍ପ ସ୍ତାନାନ୍ତରିତ ହୋଇଥିବା ଅଭିଯୋଗ ହୋଇଛି। ଲୋକଙ୍କ ଦାବୀ ମୁତାବକ ଅନୁଦାନ ଆସିଛି, କାମ ବିଳମ୍ବ ଯୋଗୁଁ ଲୋକମାନେ ବ୍ଳକ ପ୍ରଶାସନ ପାଖକୁ ବାରମ୍ବାର ଅଭିଯୋଗ କଲାବେଳେ ଏହି ପ୍ରକଳ୍ପ ଅନ୍ୟ ଏକ ପଞ୍ଚାୟତରେ ହୋଇଥିବା ଜଣାପଡ଼ିଛି। ଏପରି କି ଯେଉଁ ପଞ୍ଚାୟତରେ ଏହି କାମ କରାଯାଇଛି ସେଠାରେ ଏହି ଅନୁଦାନ ବିନିୟୋଗ କରିବା ପାଇଁ କୌଣସି ସରକାରୀ ଏପୃଭାଲ ହୋଇ ନ ଥିବା ଗୁରୁତର ବିଷୟ ଜଣାପଡ଼ିଛି। ଅନ୍ୟ ପକ୍ଷରେ ଦେଓଗାଁ ବ୍ଳକରେ ବାରମ୍ବାର ଯନ୍ତ୍ରୀ ଅଦଳ ବଦଳ ଓ ଯନ୍ତ୍ରୀ ସଂଖ୍ୟା ବହୁତ କମର ସୁଯୋଗ ଦେଇ ଅନ୍ୟମାନେ ଲାଭ ଉଠାଇବାକୁ ଉଦ୍ୟମ କରୁଥିବା ଜଣାପଡ଼ିଛି। ଖୋଦ ଦେଓଗାଁ ପଞ୍ଚାୟତର କଛାରପାଲି ମଦନପାଲି ପଡ଼ାରେ ବିଜୁ କେବିକେ ଯୋଜନାରେ ୫ଲକ୍ଷ ଟଙ୍କାରେ ସ୍ବୟଂ ସହାୟକ ଦଳର କୋଠା ନିର୍ମାଣ କରିବା ପାଇଁ ଅନୁଦାନ ଆସିଥିଲା। ଏହି କୋଠା ନିର୍ମାଣ କରିବା ପାଇଁ ଗାଁର ଭଦ୍ରବ୍ୟକ୍ତିମାନେ ବାରମ୍ବାର ବ୍ଳକକୁ ଦୌଡ଼ି ଥିଲେ, ହେଲେ ଜାଗା ଚିହ୍ନଟ ପରେ କାମ କରାଯିବା ବୋଲି ପ୍ରତିଶ୍ରୁତି ମିଳିଥିଲା। ଏବେ ଜଣାପଡ଼ିଛି ଯେ, ଏହି କାମ କୁଆଡ଼େ ଗାଈବାହାଲ ପଞ୍ଚାୟତର ଜୁର୍ଳାକାନୀ ଗାଁରେ ନିର୍ମାଣ କରାଯାଇଛି। ଜୁର୍ଲାକାନୀରେ କାମ କରିବା ପାଇଁ କୁଆଡ଼େ ଅନୁଦାନ ନାହିଁ କି ଏହି ଅନୁଦାନକୁ କରିବା ପାଇଁ ଏପୃଭାଲ ହୋଇ ନ ଥିବା ବେଳେ କିପରି କାମ ହେଲା ତାହାକୁ ନେଇ ଆଲୋଚନା ଜୋର ଧରୁଛି। ତୁରନ୍ତ ମଦନପାଲି ଗାଁରେ ଏହି ଏସଏଚଜି କୋଠା ନିର୍ମାଣ ନ କଲେ ଆନ୍ଦୋଳନ କରାଯିବ ବୋଲି ଗାଁର ମୁଖିଆ ମାନେ ଦାବୀ କରୁଛନ୍ତି। ଯଦି ବ୍ଳକର ସଦର ମହକୁମା ଗାଁର ଗୋଟିଏ ପଡ଼ା ପ୍ରତି ସରକାରୀ ଅବିଚାର ତାହା ହେଲେ ବାକି ଆଡ଼େ କିପରି ହେଉଥିବ ତାହା ସହଜରେ ଅନୁମେୟ। ଏ ସଂକ୍ରାନ୍ତିରେ ସହକାରୀ ଯନ୍ତ୍ରୀ ପ୍ରଭାତ ରଥଙ୍କୁ ପଚାରିଲେ କିଏ କରିଛି କିପରି କରିଛି ତାହା ତଦନ୍ତି ଚାଲିଛି ବୋଲି। ମଦନପାଲିରେ କାମ ଆରମ୍ଭ କରାଯିବ ଓ ଯଦି ବେଆଇନ ଭାବେ ଜୁର୍ଲାକାନିରେ କାମ କରାଯାଇଛି ତାହା ହେଲେ ଟଙ୍କା ପଇଠ କରାଯିବ ନାହିଁ ବୋଲି କହିଛନ୍ତି।
Comments are closed.