MEllora 950×100

ବିଦ୍ୟୁତ୍‌ ତାର ସଂସ୍ପର୍ଶରେ ଆସି ମହିଳା ଗୁରୁତର

ଦେବଗଡ଼: ଜନ୍ତୁ ଶିକାର ପାଇଁ ବିଛାଯାଇଥିବା ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଜଣେ ମହିଳା ଗୁରୁତର ହୋଇଛନ୍ତି । ଏଭଳି ଏକ ଘଟଣା ଘଟିଛି ଦେବଗଡ ଥାନା ଅନ୍ତର୍ଗତ ଟାଇଁସର ଗ୍ରାମରେ । ଜନ୍ତୁ ଶିକାର ପାଇଁ କେତେକ ଦୁର୍ବୃତ୍ତ ଟାଇଁସର ହାଇସ୍କୁଲ ପଛପଟେ ଥିବା ମାଟି ରାସ୍ତାରେ ଜୀବନ୍ତ ବିଦ୍ୟୁତ୍‌ ତାର ବିଛାଇଥିଲେ । ଆଜି ସକାଳୁ ସକାଳୁ ଉକ୍ତ ଗ୍ରାମର ସଞ୍ଜୁକ୍ତା ପ୍ରଧାନ(୪୮) ଧାନ ବିଡା ଆଣିବା ପାଇଁ ତାଙ୍କ ସ୍ୱାମୀ ଲକ୍ଷ୍ମଣ ପ୍ରଧାନଙ୍କ ସହ ଶଗଡ ଗାଡି ନେଇ ସେହି ରାସ୍ତ ଦେଇ ଧାନ ବିଲକୁ ଯାଉଥିଲେ । ସଞ୍ଜୁକ୍ତା ଶଗଡ ଆଗରେ ଚାଲିଚାଲି ଯାଉଥିବା ବେଳେ ଜନ୍ତୁ ଶିକାର ପାଇଁ ବିଛାଯାଇଥିବା ଉକ୍ତ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଦେବଗଡ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ହେଁ ତାଙ୍କ ଅବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ବନ ବିଭାଗ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ବିଦ୍ୟୁତ୍‌ ତାର ଜବତ କରିବା ସହ ଘଟଣାର ତଦନ୍ତ ଚଳାଇଛନ୍ତି ।

Comments are closed.