‘କରୋନା’: ଚୀନରେ ୩୬୧ ମୃତ, ୧୭ ହଜାର ଆକ୍ରାନ୍ତ

ବେଜିଂ: କରୋନା ଭାଇରସ ଯୋଗୁ ଚୀନରେ ମୃତ୍ୟୁ ସଂଖ୍ୟା ୩୬୧କୁ ବୃଦ୍ଧି ପାଇଛି। କେବଳ ଗତ ୨୪ ଘଣ୍ଟା ମଧ୍ୟରେ ୫୭ ଜଣ ପ୍ରାଣ ହରାଇଛନ୍ତି। ଏହା ସହିତ ୨୮୨୯ ନୂଆ ଆକାନ୍ତ ଚିହ୍ନଟ ହୋଇଥିବାବେଳେ ଏମାନଙ୍କ ସଂଖ୍ୟା ବଢ଼ି ୧୭ ହଜାର ୨୦୫ରେ ପହଞ୍ଚିଛି। ସେମାନଙ୍କ ମଧ୍ୟରୁ ୯ ହଜାର ୨୫୦ ଜଣଙ୍କର ହସ୍ପିଟାଲରେ ଚିକିତ୍ସା ଚାଲିଛି। ୪୭୮ ଜଣଙ୍କ ଅବସ୍ଥା ସଙ୍କଟାପନ୍ନ ରହିଥିବା ଚୀନର ଜାତୀୟ ସ୍ବାସ୍ଥ୍ୟ ଆୟୋଗ ପକ୍ଷରୁ ସୂଚନା ଦିଆଯାଇଛି।

ସ୍ବାସ୍ଥ୍ୟ ଆୟୋଗ ସୂଚନା ଅନୁସାରେ, ରବିବାର ପ୍ରାଣ ହରାଇଥିବା ୫୭ ଜଣଙ୍କ ମଧ୍ୟରୁ ୫୬ ଜଣ ହୁୱେଇ ପ୍ରଦେଶର ଏବଂ ଅନ୍ୟ ଜଣେ ଚୋଙ୍ଗକ୍ବିଙ୍ଗର। ଏହି ସଂକ୍ରମଣରେ ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରୁ ସର୍ବାଧିକ ହେଉଛନ୍ତି ହୁୱେଇ ପ୍ରଦେଶର। ହୁୱେଇର ରାଜଧାନୀ ଉହାନରେ ଗତ ଡିସେମ୍ବରରେ କରୋନା ଭାଇରସ ବ୍ୟାପିବା ଆରମ୍ଭ ହୋଇଥିଲା। ବର୍ତ୍ତମାନ ଏହି ସଂକ୍ରମଣ ସାରା ବିଶ୍ଵକୁ ବ୍ୟାପିବାରେ ଲାଗିଛି।

Comments
Loading...