MEllora 950×100

ପରିତ୍ୟକ୍ତ କୂଅରୁ ମୃତଦେହ ଉଦ୍ଧାର

କଣ୍ଟାବାଞି : ବଲାଙ୍ଗିର ଜିଲ୍ଲା ତୁରେକେଲା ଥାନା ଅନ୍ତର୍ଗତ ରାମୋଡ ଗ୍ରାମ ନିକଟରେ ଥିବା ଏକ କୂଅ ଭିତରେ ଅଜଣା ବ୍ୟକ୍ତିର ମୃତଦେହ ଭାସିବା ନେଇ ସୂଚନା ମିଳିବା ପରେ ସ୍ଥାନୀୟ ପୁଲିସ ଓ ଦମକଳ ବାହିନୀର କର୍ମଚାରୀମାନେ ମୃତଦେହକୁ ଉଦ୍ଧାର କରିଥିବା ଜଣାପଡ଼ିଛି। ମୃତବ୍ୟକ୍ତିର ବର୍ତ୍ତମାନ ଯାଏଁ ପରିଚୟ ମିଳିନାହିଁ। ଘଟଣା ସ୍ଥଳରେ କଣ୍ଟାବାଞ୍ଜି ତହସିଲଦାର ଅଶୋକ କୁମାର ମାଝି ପହଞ୍ଚି ତାଙ୍କ ଉପସ୍ଥିତିରେ ଉଦ୍ଧାର କାର୍ଯ୍ୟ ସରିଥିଲା। ଅନ୍ୟପକ୍ଷରେ ଉଦ୍ଧାର କାର୍ଯ୍ୟ ପରେ ବଲାଙ୍ଗିର ସାଇନଟିକଫିକ ଟିମ ତଦନ୍ତ ଆରମ୍ଭ କରିଥିଲେ। ସୂଚନା ଯୋଗ୍ୟ ତୁରେକେଲା ବ୍ଲକ ତୁରେକେଲା ଥାନା ଅନ୍ତର୍ଗତ ରାମୋଡ ଗାଁ କଲୋନୀ ପଡା ନିକଟରେ ଥିବା ପରିତ୍ୟକ୍ତ କୂଅରୁ ମୃତଦେହ ଦେଖି ସ୍ଥାନୀୟ ଲୋକେ ପୋଲିସ କୁ ସୂଚନା ଦେଇଥିଲେ। ପରିଚୟ ନ ମିଳିଥିବା ଯୋଗୁଁ ମୃତଦେହକୁ ୭୨ ଘଣ୍ଟା ପାଇଁ ସାଇତି ରଖାଯାଇଛି। ଗୋଟିଏ ଅପମୃତ ମାମଲା ରୁଜୁ ହୋଇଥିବା ତୁରେକେଲା ପୁଲିସ ଏସ.ଆଇ. ଦୀପକ ଡୁଙ୍ଗଡୁଙ୍ଗ ସୂଚନା ଦେଇଛନ୍ତି।

Comments are closed.