ବିଦ୍ୟାଳୟ ପରିସରରୁ ଶିକ୍ଷକଙ୍କ ମୃତ ଦେହ ଉଦ୍ଧାର

କଲମପୁର : କଳାହାଣ୍ଡି ଜିଲା ଥୁଆମୁଳ ରାମପୁର ଥାନା ଅଧିନସ୍ଥ ପୋଖରା ଗ୍ରାମ ସରକାରୀ ପ୍ରାଥମିକ ବିଦ୍ୟାଳୟ ପରିସରରୁ ଶିକ୍ଷକଙ୍କ ମୃତ ଦେହ ଉଦ୍ଧାର ହେବା ଭଳି ଘଟଣା ଏବେ ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି।
ସୂଚନା ଅନୁସାରେ ବାଲେଶ୍ୱର ଜିଲା ଜଳେଶ୍ୱର ଅଂଚଳର ଜନୈକ ଶିକ୍ଷକ ଚିନୁ ହାଂସଦା ଗତ ଦେଢ ବର୍ଷ ହେବ ଥୁଆମୁଳ ରାମପୁର ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଅଧିନସ୍ଥ ପୋଖରା ସରକାରୀ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରି ଆସୁଥିଲେ। ପୋଖରାରେ ନିୟୋଜିତ ହେବା ପରଠାରୁ ବିଦ୍ୟାଳୟ ପରିସରରେ ହିଁ ରହୁଥିଲେ। କିନ୍ତୁ ବୁଧବାର ସକାଳେ ଶିକ୍ଷକ ରହୁଥିବା କୋଠରୀରେ ସେ ମୃତ ଅବସ୍ଥାରେ ପଡିଥିବା କିଛି ଲୋକ ଦେଖି ଥୁଆମୁଳ ରାମପୁର ଥାନାରେ ସୂଚନା ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସଂରକ୍ଷିତ କରି ରଖି ବାଲେଶ୍ୱରରେ ରହୁଥିବା ଶିକ୍ଷକଙ୍କ ପରିବାର ଲୋକଙ୍କୁ ସୁଚନା ଦିଆଯାଇଛି। ପରିବାର ଲୋକ ପହଞ୍ଚିବା ପରେ ଅନ୍ୟ ପଦକ୍ଷେପ ନିଆଯିବ ବୋଲି ଜଣାପଡିଛି।

Comments
Loading...