MEllora 950×100

ଆବାସ ଯୋଜନାରେ ଅଯୋଗ୍ୟ ହିତାଧିକାରୀଙ୍କ ତାଲିକାକୁ ବାଦ୍‌ ପାଇଁ ବିଜେପିର ଦାବିପତ୍ର

ଝୁମ୍ପୁରା: ସଂପ୍ରତି ପ୍ରଶାସନ ତରଫରୁ ପ୍ରଧାନମନ୍ତ୍ରୀ ଆବାସ ଯୋଜନା ନିମନ୍ତେ ପ୍ରକାଶ ପାଇଥିବା ସମ୍ଭାବ୍ୟ ତାଲିକାରେ ଅନେକ ଅଯୋଗ୍ୟ ହିତାଧିକାରୀଙ୍କ ନାମ ପ୍ରକାଶ ପାଇଛି, ଯାହା ଫଳରେ ଯୋଗ୍ୟ ହିତାଧିକାରୀମାନେ ବାଦ ପଡ଼ିଛନ୍ତି। ତାଲିକାରୁ ଅଯୋଗ୍ୟ ହିତାଧିକାରୀଙ୍କ ନାମକୁ ବାଦ ଦେଇ ଯୋଗ୍ୟ ହିତାଧିକାରୀମାନଙ୍କୁ ତାଲିକାଭୁକ୍ତ କରିବା ନିମନ୍ତେ ଝୁମ୍ପୁରା ବିଜେପି ପକ୍ଷରୁ ବ୍ଲକ ପ୍ରଶାସନ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଥିବା ଜଣାଯାଇଛି।

ବ୍ଲକ ପ୍ରଶାସନକୁ ପ୍ରଦାନ କରିଥିବା ଦାବି ପତ୍ରରେ ଉଲ୍ଲେଖ କରିଛନ୍ତି ଯେ, ୨୦୧୮-୧୯ ବର୍ଷରେ ଯେଉଁ ହିତାଧିକାରୀ ତାଲିକା ରାଜ୍ୟ ସରକାର ପ୍ରସ୍ତୁତ କରିଥିଲେ ତାହା ଅତ୍ୟନ୍ତ ତ୍ରୁଟିପୂର୍ଣ୍ଣ ଥିଲା। ସେହି ତାଲିକାରେ ଅନେକ ଅଯୋଗ୍ୟ ହିତାଧିକାରୀଙ୍କ ନାମ ଥିବା ଯୋଗୁଁ ଏହାକୁ ଘୋର ବିରୋଧ କରିବା ସହିତ କ୍ରମାଗତ ତିନି ବର୍ଷ ଧରି ତାଲିକାକୁ ଠିକ୍‌‌ କରିବା ପାଇଁ ଆନ୍ଦୋଳନ କରାଯାଇଥିଲା। ତେବେ ରାଜ୍ୟ ସରକାର ୨୭ ଲକ୍ଷ ଲୋକଙ୍କ ଘର ଆବଶ୍ୟକ ବୋଲି ମାଗିଥିଲେ ପ୍ରଧାନମନ୍ତ୍ରୀଙ୍କୁ କିନ୍ତୁ କେନ୍ଦ୍ର ସରକାର ପୂର୍ବରୁ ୧୮ଲକ୍ଷ ଏବଂ ବର୍ତ୍ତମାନ ୯ ଲକ୍ଷ ୫୮ ହଜାର, ସମୁଦାୟ ୨୭ ଲକ୍ଷ ୫୮ ହଜାର ଘର ପ୍ରଦାନ କରିଛନ୍ତି। ଦୁର୍ଭାଗ୍ୟର କଥା ଯେ, ବର୍ତ୍ତମାନ ତାଲିକାରେ ପାଖାପାଖି ୩ ଲକ୍ଷ ଅଯୋଗ୍ୟ ହିତାଧିକାରୀଙ୍କ ନାମ ରହିଥିବାରୁ ଯୋଗ୍ୟ ହିତାଧିକାରୀ ମାନେ ପ୍ରଧାନମନ୍ତ୍ରୀ ଆବାସ ଯୋଜନାରୁ ଘର ପାଇବାରେ ବଞ୍ଚିତ ହେଉଛନ୍ତି। ଯାହା ଫଳରେ ଓଡ଼ିଶାର ଲକ୍ଷ ଲକ୍ଷ ଗରିବ ଘର ପାଇବାରୁ ବଞ୍ଚିତ ହେଉଛନ୍ତି। ଦାବି ପତ୍ରରେ ଉଲ୍ଲେଖ କରିଛନ୍ତି ଆଗାମୀ ସାତ ଦିନ ମଧ୍ୟରେ ଅଯୋଗ୍ୟ ହିତାଧିକାରୀମାନଙ୍କୁ ବାଦ ଦେଇ ଯୋଗଁ ହିତାଧିକାରୀମାନଙ୍କ ତାଲିକା ପ୍ରସ୍ତୁତ କରିବାକୁ। ବ୍ଲକ ପ୍ରଶାସନ ଯଦି ଏହାକୁ ନକଲେ ତାହେଲେ ବିଜେପି ପକ୍ଷରୁ ବ୍ଲକ ସମ୍ମୁଖରେ ଅର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ଦେବେ ବୋଲି ଦାବି ପତ୍ରରେ ଉଲ୍ଲେଖ କରିଛନ୍ତି। ବ୍ଲକ ପ୍ରଶାସନକୁ ଦାବିପତ୍ର ପ୍ରଦାନ ସମୟରେ ଉପସ୍ଥିତ ରହିଥିଲେ ଅନୁବ୍ରତ ବେହେରା, ବିଜୟଲକ୍ଷ୍ମୀ ପାତ୍ର, ମହେନ୍ଦ୍ର କୁମାର ପଟ୍ଟନାୟକ, ରମେଶ ଚନ୍ଦ୍ର ମହାନ୍ତ, ହେମରଞ୍ଜନ ବାରିକଙ୍କ ସମେତ ବ୍ଲକର ସମସ୍ତ ପଞ୍ଚାୟତର ବିଜେପି କର୍ମୀମାନେ ଉପସ୍ଥିତ ରହିଥିବା ଦେଖିବାକୁ ମିଳିଥିଲା।

Comments are closed.