ତାମିଲନାଡ଼ୁ ମୁଖ୍ୟମନ୍ତ୍ରୀ ପଲାନୀସ୍ବାମୀଙ୍କ ଘୋଷଣା: ରାଜ୍ୟରେ ସମସ୍ତଙ୍କୁ ଦିଆଯିବ ମାଗଣା କରୋନା ଟୀକା

ତାମିଲନାଡ଼ୁରେ ସମସ୍ତ ନାଗରିକଙ୍କୁ ଦିଆଯିବ ମାଗଣା କରୋନା ଟୀକା । ମୁଖ୍ୟମନ୍ତ୍ରୀ  ଏଡାପ୍ପାଡି କେ ପଲାନିସ୍ବାମୀ  ଗୁରୁବାର ଏ ସମ୍ପର୍କରେ ଘୋଷଣା କରିଛନ୍ତି ।  ପୁଦୁକୋଟାଇରେ ବିଭିନ୍ନ ସରକାରୀ କଲ୍ୟାଣମୂଳକ ପ୍ରକଳ୍ପ ଉଦଘାଟନ କରିବା ଅବସରରେ ପଲାନିସ୍ବାମୀ  କହିଛନ୍ତି ଯେ କରୋନା ଟୀକା ପ୍ରସ୍ତୁତ ହେବା ମାତ୍ରେ ରାଜ୍ୟବାସୀଙ୍କୁ ମାଗଣାରେ ଯୋଗାଇବା ପାଇଁ ସରକାର ବ୍ୟବସ୍ଥା କରିବେ । ବିହାର ବିଧାନସଭା ନିର୍ବାଚନ ନିମନ୍ତେ ବିଜେପିର ନିର୍ବାଚନ ଇସ୍ତାହାରରେ ରାଜ୍ୟର ସମସ୍ତଙ୍କୁ ମାଗଣା କରୋନା ଟିକା ପ୍ରଦାନ ପ୍ରତିଶ୍ରୁତି ଦିଆଯାଇଛି । ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ପଲାନିସ୍ବାମୀ ରାଜ୍ୟରେ ଟୀକା ପ୍ରଦାନ ସଂପର୍କରେ ସୂଚନା ଦେଇଛନ୍ତି । କରିଥିବା ବେଳେ ମୁଖ୍ୟମନ୍ତ୍ରୀ ପଲାନିସାମି ଏହି ଘୋଷଣା କରିଛନ୍ତି।

Once #COVID19 vaccine is ready, it will be provided to all people of the state free of cost, announces Tamil Nadu Chief Minister Edappadi K. Palaniswami (File photo) pic.twitter.com/INOtW2Z44u

— ANI (@ANI) October 22, 2020

ସେହିପରି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର ବିଜେପିର ନିର୍ବାଚନ ଇସ୍ତାହାର ପ୍ରକାଶ କରି ଟୀକା ଉପଲବ୍ଧ ନ ହେବା ପର୍ଯ୍ୟନ୍ତ ମାସ୍କ ଉପରେ ନିର୍ଭରଶୀଳ ହେବାକୁ ପରାମର୍ଶ ଦେଇଛନ୍ତି । ମାତ୍ର  ଟିକା ଭାରତରେ ପହଞ୍ଚିବା ମାତ୍ରେ ଏହା ବହୁ ପରିମାଣରେ ଉତ୍ପାଦିତ ହେବ ଓ ସେତେବେଳେ ବିହାରର ପ୍ରତ୍ୟେକ ବାସିନ୍ଦାଙ୍କୁ ମାଗଣାରେ କରୋନା ଜୀବାଣୁ ଟିକା ଯୋଗାଇ ଦିଆଯିବ ବୋଲି କହିଛନ୍ତି ।