କୋଭିଡ ଟିକାଦାନ : ଟିକା ନେଲେଣି ୨୫.୯୦ କୋଟିରୁ ଅଧିକ

ନୂଆଦିଲ୍ଲୀ : ଦେଶରେ କୋଭିଡ ପ୍ରତିଷେଧକ ଟିକାଦାନ କାର୍ଯ୍ୟ ଦ୍ରୁତଗତିରେ ଆଗେଇ ଚାଲିଛି। ଏପର୍ଯ୍ୟନ୍ତ ମୋଟ ୨୫ କୋଟି ୯୦ ଲକ୍ଷ ୪୪ହଜାରରୁ ଅଧିକ ଲୋକଙ୍କୁ ଟିକା ପ୍ରଦାନ କରାଯାଇଛି। ଗତକାଲି ଟିକାକରଣର ୧୫୦ ତମ ଦିନରେ କେବଳ ଗତକାଲି ୩୯ ଲକ୍ଷ ୨୭ ହଜାର ୧୫୪ ହିତାଧିକାରୀଙ୍କୁ ଟିକାଦାନ କରାଯାଇଛି।

୨୦ ଲକ୍ଷ ୯୯ହଜାର ୬୨୧ ଜଣଙ୍କୁ ପ୍ରଥମ ପାନ ଟିକା ଦିଆଯାଇଥିବା ବେଳେ ୧ ଲକ୍ଷ ୧୬ ହଜାର ୩୨୬ ଜଣଙ୍କୁ ଦ୍ୱିତୀୟ  ପାନ ଟିକା ଦିଆଯାଇଛି। ଦେଶରେ ୩୭ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୧୮-୪୪ ବର୍ଷ ବୟସର ୪ କୋଟି ୩୪ ଲକ୍ଷ ୩୫ ହଜାରରୁ ଅଧିକ ହିତାଧିକାରୀଙ୍କୁ ପ୍ରଥମ ପାନ ଦିଆଯାଇଥିବାବେଳେ ୮ଲକ୍ଷ ୩୩ ହଜାର ୮୦୮ଜଣଙ୍କୁ ଦ୍ୱିତୀୟ ପାନ ଟିକା ଦିଆଯାଇଛି ।
ଓଡିଶା ସମେତ ବିହାର, ଦିଲ୍ଲୀ, ଗୁଜରାଟ, ହରିୟାଣା, ଝାଡଖଣ୍ଡ, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ରାଜସ୍ଥାନ, ତାମିଲନାଡୁ, ତେଲଙ୍ଗାନା, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗ ଆଦି ରାଜ୍ୟରେ ୧୮ରୁ ୪୪ବର୍ଷ ବୟସର ୧୦ ଲକ୍ଷରୁ ଅଧିକ ଲେଖାଏଁ ହିତାଧିକାରୀଙ୍କୁ ପ୍ରଥମ ପାନ ଟିକା ଦିଆଯାଇଛି। ଦେଶରେ ଏପର୍ଯ୍ୟନ୍ତ ଏହି ବର୍ଗର ୪ କୋଟି ୪୨ ଲକ୍ଷରୁ ଅଧିକ ନାଗରିକଙ୍କୁ ଟିକାଦାନ କରାଯାଇଛି ।

Comments
Loading...