କୋଭିଡ ଟିକାକରଣ ଅଭିଯାନ : ଟିକା ନେଲେଣି ୩୩.୨୮କୋଟିରୁ ଅଧିକ

ନୂଆଦିଲ୍ଲୀ :  କୋଭିଡ ପ୍ରତିଷେଧକ ଟିକାଦାନ କ୍ଷେତ୍ରରେ ଭାରତ ଗୋଟିଏ ପରେ ଗୋଟିଏ ସଫଳତା ହାସଲ କରି ଚାଲିଛି। ଏପର୍ଯ୍ୟନ୍ତ ଦେଶରେ ୩୩ କୋଟି ୨୮ଲକ୍ଷ ୫୪ହଜାର ୫୨୭ଜଣଙ୍କୁ ଟିକାଦାନ କରାଯାଇଛି। କେବଳ ଗତକାଲି ଗୋଟିଏ ଦିନରେ ୩୬ଲକ୍ଷ ୫୧ହଜାରରୁ ଅଧିକ ଡୋଜ୍‍ ଟିକା ଦିଆଯାଇଛି।

୧୮ରୁ ୪୪ବର୍ଷ ବୟସର ୯କୋଟି ୬୧ହଜାରରୁ ଅଧିକ ହିତାଧିକାରୀଙ୍କୁ ପ୍ରଥମ ପାନ ଏବଂ ୨୦ଲକ୍ଷ ୮୭ହଜାରରୁ ଅଧିକଙ୍କୁ ଦ୍ୱିତୀୟ ପାନ ଟିକା ଦିଆଯାଇଛି। ୧ କୋଟି ୨ ଲକ୍ଷ ୮ ହଜାରରୁ ଅଧିକ ସ୍ବାସ୍ଥ୍ୟ ସେବା କର୍ମଚାରୀଙ୍କୁ ପ୍ରଥମ ପାନ ଏବଂ ୭୨ ଲକ୍ଷ ୪୩ ହଜାରରୁ ଅଧିକଙ୍କୁ ଦ୍ୱିତୀୟ ପାନ ଟିକା ଦିଆଯାଇଛି।

ଗତ ୨୧ ତାରିଖରୁ ଆରମ୍ଭ ହୋଇଥିବା ସ୍ୱତନ୍ତ୍ର ଟିକାକରଣ ଅଭିଯାନରେ ଟିକାଦାନ ପ୍ରକ୍ରିୟା ଅଧିକ ତ୍ୱରାନ୍ୱିତ ହୋଇପାରିଛି।

Comments
Loading...