ଦେଶରେ ଭୟଙ୍କର ହେଉଛି କରୋନା ସ୍ଥିତି : ୨୪ ଘଣ୍ଟା ମଧ୍ୟରେ ୩୮,୯୦୨ ସଂକ୍ରମିତ ଚିହ୍ନଟ, ୫୪୩ ମୃତ

​ନୂଆଦିଲ୍ଲୀ : ଦେଶରେ ଭୟଙ୍କର ହେଉଛି କରୋନା ସ୍ଥିତି। ହୁ ହୁ ହୋଇ କରୋନା ଆକ୍ରାନ୍ତଙ୍କ ସଂଖ୍ୟା ବଢିବା ସହ ଦେଶରେ ଅନିୟନ୍ତ୍ରିତ ହେଉଛି କରୋନା। ଏହାରି ମଧ୍ୟରେ ଦେଶରେ ପ୍ରତିଦିନ କରୋନା ସଂକ୍ରମିତଙ୍କ ରେକର୍ଡ ଅନୁପାତରେ ବଢିବାରେ ଲାଗିଛି। ଶନିବାର ଗୋଟିଏ ଦିନରେ ୩୪,୮୮୪ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ରବିବାର ସବୁ ରେକର୍ଡ ଭାଙ୍ଗି ଦେଶରେ ରେକର୍ଡ ସଂଖ୍ୟକ ପୁଣି ୩୮ ହଜାର ୯୦୨ ଆକ୍ରାନ୍ତ ଚିହ୍ନଟ ହୋଇଛନ୍ତି। ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୭୭ ହଜାର ୬୧୮ରେ ପହଞ୍ଚିଛି। ଅନ୍ୟପଟେ ରବିବାର ଆଉ ୫୪୩ ସଂକ୍ରମିତଙ୍କ ମୃତ୍ୟୁ ସହିତ ମୋଟ କରୋନା ମୃତ୍ୟୁସଂଖ୍ୟା ୨୬,୮୧୬ ରେ ପହଞ୍ଚିଛି। ଦେଶର ମୋଟ ସଂକ୍ରମିତଙ୍କ ମଧ୍ୟରୁ ୬ ଲକ୍ଷ ୭୭ ହଜାର ୪୨୩ ଜଣ ସୁସ୍ଥ ହୋଇଥିବାବେଳେ ସୁସ୍ଥତା ହାର ୬୩.୩୪କୁ ବୃଦ୍ଧି ପାଇଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଦେଶରେ ଏବେ ୩ ଲକ୍ଷ ୭୩ ହଜାର ୩୭୯ ସଂକ୍ରମିତ ଚିିକିତ୍ସାଧୀନ ଅଛନ୍ତି।

Highest single day spike of 38,902 cases and 543 deaths reported in India in the last 24 hours.

Total #COVID19 positive cases stand at 10,77,618 including 3,73,379 active cases, 6,77,423 cured/discharged/migrated and 26,816 deaths: Ministry of Health and Family Welfare pic.twitter.com/u8im5qLQcI

— ANI (@ANI) July 19, 2020

ଦେଶରେ କରୋନାର ହଟସ୍ପଟ ପାଲଟିଥିବା ମହାରାଷ୍ଟ୍ରରେ ମଧ୍ୟ ସ୍ଥିତି ସଙ୍ଗିନ ।  ୩ ଲକ୍ଷ ପାର କରିଛି ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା । ଗତକାଲି ମହାରାଷ୍ଟ୍ରରୁ ୮ ହଜାର ୩୪୮ ଭୂତାଣୁ ସଂକ୍ରମିତ ବାହାରିଛନ୍ତି । ଏମାନଙ୍କୁ ମିଶାଇ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୯୩୭କୁ ବୃଦ୍ଧି ପାଇଛି । ଶୁକ୍ରବାର ଅପେକ୍ଷା ଶନିବାର ମହାରାଷ୍ଟ୍ରରୁ ଅଧିକ ପଜିଟିଭ୍ କେସ୍ ଆସିଛି । ସେହିପରି ଗତ ୨୪ ଘଣ୍ଟାରେ ଆଉ ୧୪୪ ଜଣଙ୍କର ଜୀବନ ନେଇଛି କରୋନା । ଏହାସହ ମହାରାଷ୍ଟ୍ରରେ ମୃତକଙ୍କ ସଂଖ୍ୟା ୧୧ ହଜାର ୫୧୬କୁ ବଢ଼ିଛି ।

#Maharashtra #COVID19 Updates for today

*️⃣ New Cases – 8348
*️⃣ Recovered patients – 5306
*️⃣ Deaths – 144
*️⃣ Total Cases – 3,00,937
*️⃣ Active Cases – 1,23,377
*️⃣ Recoveries till date – 1,65,663@COVIDNewsByMIB@ddsahyadrinews@airnews_mumbai

(1/4)?

— PIB in Maharashtra ?? (@PIBMumbai) July 18, 2020

ମୁମ୍ବାଇରେ ସଂକ୍ରମଣ ଅଧିକ । କେବଳ ମୁମ୍ୱାଇରେ କରୋନା ଆକ୍ରାନ୍ତଙ୍କ ସଂଖ୍ୟା ଲକ୍ଷେ ଟପି ଯାଇଛି । ଗତ ୨୪ ଘଣ୍ଟାରେ ମୁମ୍ୱାଇରୁ ବାହାରିଛି ୧ ହଜାର ୧୮୬ ପଜିଟିଭ୍ । ମୋଟ୍ ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୩୫୦ । କେବଳ ମୁମ୍ୱାଇରେ ମୃତ୍ୟୁବରଣ କଲେଣି ୫ ହଜାର ୬୫୦ ଆକ୍ରାନ୍ତ ।