MEllora 950×100

ଆସନ୍ତା ୨୭ ତାରିଖ ପର୍ଯ୍ୟନ୍ତ ବନ୍ଦ ରହିବ କୋର୍ଟ; ନିଷ୍ପତ୍ତି ନେଲେ ଓକିଲ ସଂଘ

ମାଲକାନଗିରି: ମାଲକାନଗିରି ଜିଲ୍ଲା ଓକିଲ ସଙ୍ଘର ସଭା ଗୃହରେ ଗୁରୁବାର ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି। ପୂର୍ବରୁ ଜିଲ୍ଲା ଜଜ୍ ବଦଳି ଦାବି କରି ତିନି ଦିନ ସମସ୍ତ କୋର୍ଟ ବନ୍ଦ ଡାକରା ଦିଆଯାଇଥିବା ବେଳେ କୌଣସି ପଦକ୍ଷେପ ନ ନେବାରୁ ଆସନ୍ତା ୨୭ ତାରିଖ ପର୍ଯ୍ୟନ୍ତ ଜିଲ୍ଲାର ସମସ୍ତ କୋର୍ଟ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି ଏବଂ ଏକ ପ୍ରତିନିଧି ଦଳ ସଭାପତି ପ୍ରଭାକର ପ୍ରଧାନଙ୍କ ନେତୃତ୍ୱରେ ମାଲକାନଗିରିରୁ କଟକ ଯିବେ ମୁଖ୍ୟ ବିଚାରପତିଙ୍କ ସହ ଆଲୋଚନା କରିବା ପାଇଁ। ଏଥିସହ ଏକ କର୍ଯ୍ୟାନୁଷ୍ଠାନ କମିଟି ଗଠନ କରାଯାଇଛି। ରମେଶ ପଟ୍ଟନ।ୟକଙ୍କୁ ଏହାର ସଭାପତି କରାଯାଇଥିବା ବେଳେ ଏଜୁକେଟିଭି ମେମ୍ବର ଭାବେ ଗୋପାଳ ପଣ୍ଡା, ରାମ ପ୍ରସାଦ ପଟ୍ଟନାୟକ, କୈଳାସ ପଟ୍ଟନାୟକ, ଦିଲୀପ ପରିଚା, ଲମ୍ବୋଦର ତୁରୁକ, ଭୂଦେଵ ମହାନନ୍ଦିଆ, ବିଜୁ ସରକାର, ରବୀନ୍ଦ୍ର କୁମାର ମାଢି, ସରୋଜ ସାହୁ ପ୍ରମୁଖଙ୍କୁ ସର୍ବ ସମ୍ମତିକ୍ରମେ ଗୃହୀତ କରାଯାଇଛି। ଏହି ୧୦ ଜଣିଆ କ୍ରିୟାନୁଷ୍ଠାନ କମିଟି ସମସ୍ତ ନିଷ୍ପତ୍ତି ନେବା ସହ କୋର୍ଟ ବନ୍ଦକୁ ତଦାରଖ କରିବେ। ଏହି ବୈଠକରେ ଜିଲ୍ଲାର ସମସ୍ତ ଆଇନଜୀବୀ ଉପସ୍ଥିତ ଥିଲେ।

Comments are closed.