ସୁରକ୍ଷାକର୍ମୀଙ୍କ ଅସାଧାରଣ ସାହସିକତା ଓ ପରାକ୍ରମ ଯୋଗୁଁ ଦେଶ ଏକ ବଡ ଆତଙ୍କବାଦୀ ଆକ୍ରମଣରୁ ରକ୍ଷା ପାଇଲା : ମୋଦୀ

ନୂଆଦିଲ୍ଲୀ : ଜମ୍ମୁର ନାଗ୍ରୋଟା ଅଞ୍ଚଳରେ ହୋଇଥିବା ଏନକାଉଣ୍ଟରକୁ ନେଇ ସୁରକ୍ଷାକର୍ମୀଙ୍କୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଗତ କାଲି ଅର୍ଥାତ ଗୁରୁବାର ଦିନ ନାଗ୍ରୋଟା ଅଞ୍ଚଳରେ ୪ ଜଣ ଆତଙ୍କବାଦୀଙ୍କୁ ଏନକାଉଣ୍ଟର କରିଥିଲା ସୁରକ୍ଷାକର୍ମୀ। ଏହି ଆତଙ୍କବାଦୀମାନେ ଜୈଶ-ଏ-ମହମ୍ମଦ ଆତଙ୍କବାଦୀ ସଂଗଠନ ସଦସ୍ୟ ବୋଲି ଜଣା ପଡ଼ିଥିଲା। ଜମ୍ମୁର ବାନ ଟୋଲଗେଟ ନିକଟରେ ଗାଡ଼ି ଯାଞ୍ଚ ବେଳେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଏହି ଗୁଳି ବିନିମୟ ହୋଇଥିଲା। ଆତଙ୍କବାଦୀଙ୍କ ନିକଟରୁ ବିପୁଳ ମାତ୍ରାରେ ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରିଥିଲେ ସୁରକ୍ଷାକର୍ମୀ।

Our security forces have once again displayed utmost bravery and professionalism. Thanks to their alertness, they have defeated a nefarious plot to target grassroots level democratic exercises in Jammu and Kashmir.

— Narendra Modi (@narendramodi) November 20, 2020

ଏହାକୁ ନେଇ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ଏହି ବୈଠକରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ, ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ୍ ଏବଂ ବୈଦେଶିକ ସଚିବ ମଧ୍ୟ ଉପସ୍ଥିତ ଥିଲେ।

Neutralising of 4 terrorists belonging to Pakistan-based terrorist organisation Jaish-e-Mohammed and the presence of large cache of weapons and explosives with them indicates that their efforts to wreak major havoc and destruction have once again been thwarted.

— Narendra Modi (@narendramodi) November 20, 2020

ବୈଠକ ପରେ ପ୍ରଧାନମନ୍ତ୍ରୀ ଟ୍ବିଟ୍ କରିଛନ୍ତି ଯେ, ‘ଆମ ସୀମା ସୁରକ୍ଷାକର୍ମୀ ପୁଣି ଥରେ ଆଉ ବାହାଦୁର ଆଉ ସାହାସିକତା ପରାକ୍ରମ ଦେଖାଇଛନ୍ତି। ସୀମାରେ ସୁରକ୍ଷାକର୍ମୀଙ୍କ ପରାକ୍ରମ ଯୋଗୁଁ ଦେଶରେ ହେବାକୁ ଥିବା ଏକ ବଡ଼ ଧରଣର ଆକ୍ରମଣ ଯୋଜନା ବିଫଳ ହୋଇଛି।  “ପାକିସ୍ତାନସ୍ଥିତ ଜୈଶ–ଇ-ମହମ୍ମଦ ସଂଗଠନର ୪ ଜଣ ଆତଙ୍କବାଦୀଙ୍କୁ ନିପାତ କରି ବିପୁଳ ଅସ୍ତ୍ରଶସ୍ତ୍ର ଓ ବିସ୍ପୋରକ ସାମଗ୍ରୀ ଜବତ କରିବା ଘଟଣା ଏକ ବିଧ୍ବଂଶକାରୀ ଉଦ୍ୟମକୁ ପ୍ରତିହତ କରାଯାଇଥିବା ସୂଚନା ଦେଉଛି” । ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ, “ଆମର ସୁରକ୍ଷା ବଳ ପୁଣି ଥରେ ଅସାଧାରଣ ସାହାସିକତା ଓ ବୃତ୍ତିଗତ ଦକ୍ଷତା ପ୍ରଦର୍ଶନ କରିଛନ୍ତି । ସେମାନଙ୍କ ସତର୍କତା ଯୋଗୁଁ ସେମାନେ ଜମ୍ମୁ ଓ କଶ୍ମୀରରେ ତୃଣମୂଳ ସ୍ତରରେ ଗଣତାନ୍ତ୍ରିକ ପଦ୍ଧତିକୁ କ୍ଷତି ପହଞ୍ଚାଉଥିବା ଚକ୍ରାନ୍ତକୁ ପ୍ରତିହତ କରିଛନ୍ତି” ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି।