ଗୋଟିଏ ପଟେ ଗୁଗୁଲ କରୋନା ଭାଇରସ ପାଇଁ ଟ୍ରାକିଂ ୱେବସାଇଟରେ କାମ କରୁଥିବାବେଳେ ମାଇକ୍ରୋସଫ୍ଟ କରୋନ ଭାଇରସକୁ ଟ୍ରାକିଂ କରୁଥିବା ଏକ ୱେବସାଇଟ୍ ଲଞ୍ଚ କରିଛି। (କୋଭିଡ-୧୯)କୁ ୱେବସାଇଟ୍ ଟ୍ରାକିଂ କରିବା ପାଇଁ ମାଇକ୍ରୋସଫ୍ଟର ‘ବିଙ୍ଗ ଦଳ’ ଦ୍ୱାରା ଏହା ସୃଷ୍ଟି କରାଯାଇଛି ।
ମାଇକ୍ରୋସଫ୍ଟ କରୋନା ଜୀବାଣୁ ସଂକ୍ରମଣକୁ ଟ୍ରାକ୍ କରିବା ପାଇଁ ସୃଷ୍ଟି କରିଥିବା ୟୁଆରଏଲ ହେଉଛି bing.com/covid । ଏହି ୟୁଆରଏଲକୁ ଯାଇ ଆପଣ ସାରା ବିଶ୍ୱରେ କରୋନା ଭୂତାଣୁରେ ସଂକ୍ରମିତ ହୋଇଥିବା ବିସ୍ତାରିତ ଖବର ପାଇପାରିବେ ।
ଏହି ୱେବସାଇଟରେ ବର୍ତ୍ତମାନ ସମୟରେ କେତେ ଲୋକ କରୋନାରେ ପୀଡିତ ଅଛନ୍ତି ଏବଂ କେତେ ଲୋକ ଉଦ୍ଧାର ହୋଇଛନ୍ତି ସେ ସମ୍ବନ୍ଧରେ ସୂଚନା ପାଇବେ। ଏହା ବ୍ୟତୀତ ଏହି ୱେବସାଇଟରେ ସୂଚନା ମଧ୍ୟ ମିଳିବ ଯେ କରୋନା ଯୋଗୁଁ କେତେ ଲୋକଙ୍କର ମୃତ୍ୟୁ ହୋଇଛି।
ମାଇକ୍ରୋସଫ୍ଟର କରୋନା ଟ୍ରାକର ୱେବସାଇଟ୍ ଅନୁଯାୟୀ, ସାରା ବିଶ୍ୱରେ ୧୬୯,୬୫୭ ଲୋକ ସଂକ୍ରମିତ ହୋଇଛନ୍ତି ଏବଂ ୭୭, ୭୬୧ ଜଣଙ୍କୁ ଉଦ୍ଧାର କରାଯାଇଛି ୬,୫୧୬ ଜଣଙ୍କର ମୃତ୍ୟୁ ହୋଇଛି। ଏହି ୱେବସାଇଟରେ ମଧ୍ୟ ଆପଣ ଏକ ଦେଶର ମାନଚିତ୍ରରେ କ୍ଲିକ୍ କରି ସେହି ଦେଶରେ କରୋନା ଜୀବାଣୁର ସ୍ଥିତି ବିଷୟରେ ସୂଚନା ପାଇପାରିବେ।
ସେହିପରି ଗୁଗୁଲ୍ ମଧ୍ୟ କରୋନା ଭାଇରସ୍ ପରୀକ୍ଷଣ କେନ୍ଦ୍ର ଟ୍ରାକର୍ ସାଇଟ୍ ନିର୍ମାଣ କରୁଛି। ମାଇକ୍ରୋସଫ୍ଟ ବ୍ୟତୀତ ଗୁଗୁଲ ଆମେରିକା ସରକାରଙ୍କ ସହ ଏକ ୱେବସାଇଟ୍ ମଧ୍ୟ ପ୍ରସ୍ତୁତ କରୁଛି। ଯାହା ସାହାଯ୍ୟରେ ବିଶ୍ବର ବିଭିନ୍ନ ସ୍ଥାନରୁ ଲୋକମାନେ ନିକଟତମ କରୋନା ଜୀବାଣୁ ପରୀକ୍ଷା କେନ୍ଦ୍ର ବିଷୟରେ ସୂଚନା ପାଇପାରିବେ। ଏହି ୱେବସାଇଟରୁ ଲୋକମାନେ କରୋନା ଜୀବାଣୁର ଲକ୍ଷଣଗୁଡିକ ମଧ୍ୟ ଯାଞ୍ଚ କରିବାରେ ସକ୍ଷମ ହେବେ।
ଗୁଗୁଲ ମଧ୍ୟ ଟ୍ୱିଟ୍ କରି ଏହା ନିଶ୍ଚିତ କରଇଛି ଯେ, ଏହି ପ୍ରୋଜେକ୍ଟରେ ଗୁଗୁଲ୍ ଇଂଞ୍ଜିନିୟରଙ୍କ ଏକ ବଡ଼ ଟିମ ନିୟୋଜିତ କରିଛି। ଯେଉଁଥରେ ଲାଇଭ କରାଯାଇପାରିବ। ୱେବସାଇଟଟି ରବିବାର ମଧ୍ୟରେ ଲଞ୍ଚ ହୋଇପାରେ ବେଲି ଜଣାପଡ଼ିଛି ।