କରୋନା ଅପଡେଟ୍ : ଦେଶରେ ମୃତ୍ୟୁ ସଂଖ୍ୟା ୩କୁ ବୃଦ୍ଧି

ମୁମ୍ବଇ : ଭାରତରେ କରୋନା ଭୂତାଣୁ ସଂକ୍ରମଣରେ ଆକ୍ରାନ୍ତଙ୍କ ମୃତ୍ୟୁ ସଂଖ୍ୟା ୩କୁ ବୃଦ୍ଧି ପାଇଛି। ପୂର୍ବରୁ ଦେଶରେ ଭୂତାଣୁ ସଂକ୍ରମଣରେ ୨ ଜଣ ପ୍ରାଣ ହରାଇଥିଲେ। ମଙ୍ଗଳବାର କରୋନା ଭୂତାଣୁ ସଂକ୍ରମଣରେ ମୁମ୍ବଇରେ ଜଣେ ୬୪ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୁମ୍ବଇସ୍ଥିତ କସ୍ତୁରବା ହସ୍ପିଟାଲରେ ଏହି କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। ଦେଶରେ ୧୫ଟି ରାଜ୍ୟରେ ବର୍ତ୍ତମାନ ସୁଦ୍ଧା ୧୨୫ ଜଣ ସଂକ୍ରମିତ ଥିବା ବେଳେ ମହାରାଷ୍ଟ୍ରରେ ସର୍ବାଧିକ ୩୮ଜଣ କରୋନାରେ ଆକ୍ରାନ୍ତ ହୋଇଛନ୍ତି।

Maharashtra: A 64-year-old COVID-19 patient passes away at Mumbai's Kasturba hospital pic.twitter.com/E1X8Dj78n0

— ANI (@ANI) March 17, 2020

ସୂଚନାଯୋଗ୍ୟ, ପୂର୍ବରୁ ଭାରତରେ କରୋନା ଭୂତାଣୁ ସଂକ୍ରମଣରେ ଆକ୍ରାନ୍ତ ହୋଇ ୨ ଜଣ ପ୍ରାଣ ହରାଇଥିଲେ। ଦିଲ୍ଲୀରେ ଗତ ୧୪ ତାରିଖରେ ଜଣେ ୬୮ ବର୍ଷ ବୟସ୍କ ମହିଳାଙ୍କ ମୃତ୍ୟୁ ହୋଇଥିଲା। ସେହିପରି କରୋନା ଭୂତାଣୁ ସଂକ୍ରମଣରେ ଆକ୍ରାନ୍ତ କର୍ଣ୍ଟାଟକର ​‌ଜଣେ​ ୭୬ ବର୍ଷ ବୟସ୍କ ବ୍ୟକ୍ତିଙ୍କର ମାର୍ଚ୍ଚ ୧୦ ରେ ମୃତ୍ୟୁ ଘଟିଥିଲା।