‘ଫେସବୁକ’କୁ ନେଇ ବିଜେପି-କଂଗ୍ରେସ ମୁହାଁମୁହିଁ: ସଂସଦୀୟ କମିଟି ତଦନ୍ତ ଦାବି କଲା କଂଗ୍ରେସ

ସୋସିଆଲ ମିଡ଼ିଆ ପ୍ଲାଟଫର୍ମ‘ଫେସବୁକ୍’ ଓ ‘ହ୍ବାଟ୍ସଆପ’କୁ ନେଇ ଏବେ ଦେଶବ୍ୟାପୀ ସୃଷ୍ଟି ହୋଇଛି ବିବାଦ । ଫେସବୁକ୍ ବିଜେପି ଓ ଆରଏସଏସ୍ ନେତାଙ୍କୁ ସମର୍ଥନ କରୁଥିବା ଅଭିଯୋଗ କରି କଂଗ୍ରେସ ଏହାର ସଂଯୁକ୍ତ ସଂସଦୀୟ କମିଟି (ଜେପିସି) ତଦନ୍ତ ନିମନ୍ତେ ଦାବି କରିଛି । ଏହାକୁ ନେଇ ବିଜେପି ଓ କଂଗ୍ରେସ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି ।

କଂଗ୍ରେସ ନେତା ରାହୁଳ ଗାନ୍ଧୀ ଓ ମହାସଚିବ ପ୍ରିୟଙ୍କା ଗାନ୍ଧୀ ଦିନକ ତଳେ ଫେସବୁକ୍ ଓ ହ୍ବାଟସଅପକୁ ବିଜେପି ଓ ଆରଏସଏସ୍ ନିୟନ୍ତ୍ରଣ କରୁଥିବା ଅଭିଯୋଗ କରିଥିଲେ । ଏହା ସହ ଭୁଲ ଖବର ପ୍ରସାରିତ କରୁଥିବା କହିଥିଲେ । ଏକ ବିଦେଶୀ ଗଣମାଧ୍ୟମରେ ପ୍ରକାଶିତ ଖବର ଆଧାରରେ ରାହୁଳ ଏପରି ଅଭିଯୋଗ କରିବା ସହ ପ୍ରକାଶିତ ଖବରଟିକୁ ନିଜ  ଟ୍ବିଟରରେ ସ୍ଥାନ ଦେଇଥିଲେ ।

BJP & RSS control Facebook & Whatsapp in India.

They spread fake news and hatred through it and use it to influence the electorate.

Finally, the American media has come out with the truth about Facebook. pic.twitter.com/Y29uCQjSRP

— Rahul Gandhi (@RahulGandhi) August 16, 2020

ଅନ୍ୟପକ୍ଷରେ ଫେସବୁକ୍ ପକ୍ଷରୁ କୁହାଯାଇଛି ଯେ ଆମ ନିମନ୍ତେ ସମସ୍ତେ ସମାନ ଓ ଆମର ନୀତିରେ କୌଣସି ପାତର ଅନ୍ତର କରାଯାଉ ନାହିଁ । ଆମ କମ୍ପାନୀ ସବୁ ଦେଶ ନିମନ୍ତେ ଗୋଟିଏ ନୀତି ଅବଲମ୍ବନ କରୁଛି । ଏଥିରେ କୌଣସି ଦଳ ପାଇଁ ବିଶେଷ ସ୍ଥାନ ନାହିଁ । ଫେସବୁକ୍ ମୁଖପାତ୍ର କହିଛନ୍ତି ​‌ଯେ ଆମେ ନିରପେକ୍ଷତା ସଠିକତାକୁ ନେଇ କାର୍ଯ୍ୟ କରୁଛୁ ଏବଂ ଏହାର ନିୟମିତ ଅନୁଧ୍ୟାନ କରାଯାଉଛି ।

ଅନ୍ୟପକ୍ଷରେ କଂଗ୍ରେସ ଓ ରାହୁଳଙ୍କ ଅଭିଯୋଗକୁ ନେଇ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ରାହୁଳଙ୍କୁ କଟାକ୍ଷ କରିଛନ୍ତି । ତାଙ୍କୁ ‘ଲୁଜର’ ବୋଲି ଆକ୍ଷେପ କରି ନିର୍ବାଚନ ସମୟରେ ଫେସବୁକ ତଥ୍ୟ ଏପଟସେପଟ କରିଥିବା ନେଇ ରାହୁଳଙ୍କ ବିରୋଧରେ ଅଭିଯୋଗ କରିଛନ୍ତି ।

Losers who cannot influence people even in their own party keep cribbing that the entire world is controlled by BJP & RSS.

You were caught red-handed in alliance with Cambridge Analytica & Facebook to weaponise data before the elections & now have the gall to question us? https://t.co/NloUF2WZVY

— Ravi Shankar Prasad (@rsprasad) August 16, 2020