ଡେସ୍କ: ରାଜ୍ୟଗୋଷ୍ଠୀ କ୍ରୀଡ଼ାରେ ଆଜି ଭାରତ ଇତିହାସ ସୃଷ୍ଟି କରୁଛି। ଟ୍ରିପଲ୍ ଜମ୍ପରେ ଭାରତକୁ ସ୍ୱର୍ଣ୍ଣ ଓ ରୌପ୍ୟ ପଦକ ମିଳିଛି। ଟ୍ରିପଲ୍ ଜମ୍ପରେ ଏଲଧସ ପୌଲ୍ ସ୍ୱର୍ଣ୍ଣ ପଦକ ଜିତିଥିବା ବେଳେ ଅବଦୁଲ୍ଲା ଆବୁବାକର ରୌପ୍ୟ ପଦକ ହାସଲ କରିଛନ୍ତି। ସେହିପରି ବକ୍ସିଂରେ ଭାରତକୁ ଦୁଇଟି ସ୍ବର୍ଣ୍ଣ ପଦକ ମିଳିଛି। ୪୮ କିଲୋଗ୍ରାମ ପୁରୁଷ ବକ୍ସିଂରେ ଅମିତ ପଙ୍ଗଲ ସ୍ୱର୍ଣ୍ଣ ଜିତିଥିବା ବେଳେ ମହିଳା ବକ୍ସିଂରେ ନିତୁ ଘନଘାସ ସ୍ୱର୍ଣ୍ଣ ଜିତିଛନ୍ତି।
ରାଜ୍ୟଗୋଷ୍ଠୀ କ୍ରୀଡ଼ାର ମହିଳା ହକିରେ ଭାରତକୁ ଆଜି ବ୍ରୋଞ୍ଜ ପଦକ ମିଳିଛି। ୨-୧ ପେନାଲ୍ଟି ସୁଟ୍ ଆଉଟ୍ରେ ନ୍ୟୁଜିଲାଣ୍ଡକୁ ପରାସ୍ତ କରି ଭାରତୀୟ ମହିଳା ହକି ଟିମ୍ ବ୍ରୋଞ୍ଜ ପଦକ ହାସଲ କରିବାରେ ସଫଳ ହୋଇଛି। ୧୦ ହଜାଇ ମିଟର ରେସ ୱାକରେ ଦେଶ ପାଇଁ ଗୌରବ ଆଣିଛନ୍ତି ସନ୍ଦୀପ କୁମାର। ମହିଳା ଜାଭେଲିନରେ ମଧ୍ୟ ଭାରତକୁ ଆଜି ସଫଳତା ମିଳିଛି। ଅନୁ ରାଣୀ ଜିତିଛନ୍ତି ବ୍ରୋଞ୍ଜ ପଦକ।
Comments are closed.