ଭୁବନେଶ୍ବର: ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି କଟକ ମହାନଗର ନିଗମ (ସିଏମସି) ପକ୍ଷରୁ ନୂଆ ଗାଇଡ୍ଲାଇନ୍ ଜାରି କରାଯାଇଛି। କୋଭିଡ୍ ସଂକ୍ରମମଣ ବୃଦ୍ଧି ଦୃଷ୍ଟିରୁ ବିବାହ, ଶୁଦ୍ଧି କାର୍ଯ୍ୟ, ସମ୍ମିଳନୀ, ସମାବେଶ ସମେତ କୌଣସି ସଂସ୍ଥା ଓ ଶିକ୍ଷାନୁଷ୍ଠାନର ବାର୍ଷିକ ଉତ୍ସବ ପାଳନ ଉପରେ ସିଏମସି ପକ୍ଷରୁ କଟକଣା ଲଗାଯାଇଛି। ସିଏମସିର ନୂଆ ଗାଇଡ୍ଲାଇନ୍ ଅନୁଯାୟୀ ଏଣିକି ବିବାହ ଉତ୍ସବରେ ୧୦୦ଜଣଙ୍କ ଉପସ୍ଥିତି ପାଇଁ ଅନୁମତି ମିଳିବ। ସେହିପରି ଶୁଦ୍ଧି କାର୍ଯ୍ୟରେ ସାମିଲ ହେବା ପାଇଁ ମାତ୍ର ୫୦ଜଣଙ୍କୁ ଅନୁମତି ଦିଆଯିବ। ବିବାହ ଓ ଶୁଦ୍ଧି କାର୍ଯ୍ୟରେ କୋଭିଡ୍ କଟକଣା କଡ଼ାକଡ଼ି ଭାବେ ପାଳନ କରାଯିବ। କଟକ ମହାନଗର ନିଗମ ଅଞ୍ଚଳରେ ଅନୁଷ୍ଠିତ ହେଉଥିବା ସମ୍ମିଳନୀ ଓ ସମାବେଶ ଉପରେ ସିଏମସି ପକ୍ଷରୁ କଟକଣା ଲଗାଯାଇଛି। କୌଣସି ଅନୁଷ୍ଠାନର ସୁବର୍ଣ୍ଣ, ରୌପ୍ୟ ଓ ଶତବାର୍ଷିକୀ ପାଳନକୁ ବାରଣ କରାଯାଇଥିବାବେଳେ କୌଣସି ସଂସ୍ଥା ଓ ଶିକ୍ଷାନୁଷ୍ଠାନର ବାର୍ଷିକ ଉତ୍ସବ ପାଳନ ହୋଇପାରିବ ନାହିଁ ବୋଲି କୁହାଯାଇଛି। ଆସନ୍ତା ଅପ୍ରିଲ୍ ୬ରୁ ସିଏମସିର ନୂଆ ଗାଇଡ୍ଲାଇନ୍ ଲାଗୁ କରାଯିବ ବୋଲି ଆଜି ବିଜ୍ଞପ୍ତି ପ୍ରକାଶ କରାଯାଇଛି। ଅପରକ୍ଷରେ ସିଏମସିର ବିନା ଅନୁମତିରେ କୌଣସି ସାମାଜିକ କାର୍ଯ୍ୟକ୍ରମ ଭୁବନେଶ୍ୱରରେ ହୋଇପାରିବ ନାହିଁ ବୋଲି ନୂଆ ଗାଇଡ୍ଲାଇନ୍ରେ ଦର୍ଶାଯାଇଛି।
#ImportantUpdate In view of the rising #COVID19 cases & curb any potential spread of the infection owing to mass gathering /congregation, it has been decided to restrict public gathering/congregation for the upcoming major festivals.
We urge support & cooperation from everyone! pic.twitter.com/CnBha3OQi0
— CMC,Cuttack (@CMCCuttack) April 1, 2021
Comments are closed.