ୱେଷ୍ଟଇଣ୍ଡିଜ୍‌ ଟ୍ବେଣ୍ଟି-୨୦ ଦଳରେ କ୍ରିସ୍‌ ଗେଲ୍‌

ସେଣ୍ଟ ଜୋନ୍‌ସ : ଦୀର୍ଘ ଦୁଇବର୍ଷର ବ୍ୟବଧାନରେ ୱେଷ୍ଟଇଣ୍ଡିଜ୍‌ ଜାତୀୟ ଦଳକୁ ଫେରିଛନ୍ତି ବିସ୍ଫୋରକ ଓପନର୍‌ କ୍ରିସ୍‌ ଗେଲ୍‌। ଶ୍ରୀଲଙ୍କା ବିପକ୍ଷ ୩ ମ୍ୟାଚ୍‌ ବିଶିଷ୍ଟ ଟ୍ବେଣ୍ଟି୨୦ ସିରିଜ୍ ନିମନ୍ତେ ୧୪ ଜଣିଆ ୱେଷ୍ଟଇଣ୍ଡିଜ୍‌ ଦଳରେ ସ୍ଥାନ ପାଇଛନ୍ତି ଗେଲ୍‌। ବିସିସିଆଇ ଆନୁକୂଲ୍ୟରେ ଆୟୋଜିତ ଆଇପିଏଲ୍‌ ଓ ପାକିସ୍ତାନ ସୁପର ଲିଗ୍‌ରେ ଭଲ ପ୍ରଦର୍ଶନ କରିଥିବାରୁ ଗେଲ୍‌ଙ୍କୁ ୱେଷ୍ଟଇଣ୍ଡିଜ୍‌ ଟ୍ବେଣ୍ଟି୨୦ ଦଳରେ ସାମିଲ କରାଯାଇଥିବା ମୁଖ୍ୟ ମନୋନୟନକାରୀ ରୋଜର ହାର୍ପର୍‌ ସୂଚନା ଦେଇଛନ୍ତି। ଗେଲ୍‌ ୱେଷ୍ଟଇଣ୍ଡିଜ୍‌ ତରଫରୁ ଶେଷଥର ପାଇଁ ୨୦୧୯ରେ ଆୟୋଜିତ ଦିନିକିଆ ବିଶ୍ବକପ୍‌ରେ ଖେଳିଥିଲେ।
ସେହିପରି ୯ ବର୍ଷ ପରେ ୱେଷ୍ଟଇଣ୍ଡିଜ୍‌ ଦଳକୁ ଫେରିଛନ୍ତି ବରିଷ୍ଠ ଦ୍ରୁତ ବୋଲର ୩୯ ବର୍ଷୀୟ ଫିଡେଲ୍‌ ଏଡୱାର୍ଡସ। ଗେଲ୍‌ ୱେଷ୍ଟଇଣ୍ଡିଜ୍‌ ତରଫରୁ ୧୦୩ଟି ଟେଷ୍ଟ, ୩୦୧ଟି ଦିନିକିଆ ଓ ୫୮ଟି ଟ୍ବେଣ୍ଟି୨୦ ମ୍ୟାଚ୍‌ ଖେଳି ସାରିଛନ୍ତି। ଭ୍ରମଣକାରୀ ଶ୍ରୀଲଙ୍କା ଓ ୱେଷ୍ଟଇଣ୍ଡିଜ୍‌ ମଧ୍ୟରେ ମାର୍ଚ୍ଚ ୩, ୫ ଓ ୭ରେ ଟ୍ବେଣ୍ଟି୨୦ ମ୍ୟାଚ୍‌ ଖେଳାଯିବ। ସେହିପରି ମାର୍ଚ୍ଚ ୧୦ରୁ ୧୪ ପର୍ଯ୍ୟନ୍ତ ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ୍‌ ନିମନ୍ତେ ୱେଷ୍ଟଇଣ୍ଡିଜ୍‌ ଦଳ ଘୋଷଣା କରାଯାଇଛି।
ୱେଷ୍ଟଇଣ୍ଡିଜ୍‌ ଟ୍ବେଣ୍ଟି୨୦ ଦଳ : କୈରନ୍‌ ପୋଲାର୍ଡ (ଅଧିନାୟକ), ନିକୋଲାସ୍‌ ପୁରନ୍‌, ଆଲେନ୍‌, ଡୁଏନ୍‌ ବ୍ରାଭୋ, ଫିଡଲେ ଏଡୱାର୍ଡସ୍‌, ଆ​ନଦ୍ରେ ଫ୍ଲେଚର, କ୍ରିସ୍‌ ଗେଲ୍‌, ଜାସନ୍‌ ହୋଲଡର୍‌, ଆକେଲ୍‌ ହୋସାଇନ୍‌, ଏଭିନ୍‌ ଲୁଇସ୍‌, ଓବେଡ୍‌ ମ୍ୟାକ୍‌କେ, ରୋଭମ୍ୟାନ୍ ପାୱେଲ୍‌, ଲେଣ୍ଡ୍‌ ସିମନ୍‌ସ ଓ କେଭିନ୍‌ ସିନ୍‌କ୍ଲେୟାର।
ୱେଷ୍ଟଇଣ୍ଡିଜ୍‌ ଦିନିକିଆ ଦଳ : କୈରନ୍‌ ପୋଲାର୍ଡ (ଅଧିନାୟକ), ସାଇ ହୋପ୍‌, ଆଲେନ୍‌, ଡାରେନ୍‌ ବ୍ରାଭୋ, ଜାସନ୍‌ ହୋଲଡର୍‌, ଆକେଲ୍‌ ହୋସାଇନ୍‌, ଆଲଜାରି ଜୋସେଫ୍‌, ଏଭିନ୍‌ ଲୁଇସ୍‌, କାଏଲ୍‌ ମେୟର୍ସ, ଜାସନ୍‌ ମହମ୍ମଦ, ନିକୋଲାସ୍‌ ପୁରନ୍‌, ରୋମାରିଓ ସେଫର୍ଡ ଓ କେଭିନ୍‌ ସିନ୍‌କ୍ଲେୟାର।

Comments
Loading...