କରୋନା ଟିକାକୁ ନେଇ ବିଚଳିତ ଚୀନ : କହିଲା- ଆମ ଟିକା ବିନା କରୋନାକୁ ହରାଇବା ଅସମ୍ଭବ

ବେଜିଂ : କରୋନା ସଂକ୍ରମଣ ଆରମ୍ଭ ହେବାର ଏକ ବର୍ଷରୁ ଅଧିକ ସମୟ ହୋଇଯାଇଛି। ବୌଜ୍ଞାନିକମାନଙ୍କ କଠିନ ପରିଶ୍ରମ ପରେ ବର୍ତ୍ତମାନ ଅନେକ ଟିକା ମିଳିପାରିଛି। ଆମେରିକା, ବ୍ରିଟେନ ଏବଂ ଚୀନ୍ ସମେତ ଅନେକ ଦେଶରେ ଲୋକଙ୍କୁ ଟୀକା କରଣ ଆରମ୍ଭ କରିଥିବାବେଳେ ଭାରତ ସମେତ କେତେକ ଦେଶରେ ଶୀଘ୍ର ଟିକା ଦିଆଯିବ। ଏହି ଟିକା ପ୍ରସ୍ତୁତ କରିଥିବା ଦେଶମାନଙ୍କ ମଧ୍ୟରେ ଚୀନ୍ ମଧ୍ୟ ସାମିଲ ଅଛି । ତେବେ କିଛି ଦିନ ମଧ୍ୟରେ ଏହି ଟିକାକୁ ନେଇ ପ୍ରଶ୍ନ ଉଠିଛି । ଫଳସ୍ୱରୂପ, ଡ୍ରାଗନ୍ ଅଡୁଆରେ ପଡିଛି ଏବଂ ସ୍ପଷ୍ଟ ଭାବରେ କହିଛି ଯେ ଯଦି କରୋନାକୁ ହରାଇବାକୁ ଚାହାଁନ୍ତି, ତେବେ ଚୀନ୍ ଟିକା ବ୍ୟବହାର କରିବାକୁ ପଡିବ। ଚୀନ୍ ସରକାର ନିଜ ପ୍ରଚାର ପାଇଁ ଖବରକାଗଜ ଗ୍ଲୋବାଲ ଟାଇମ୍ସରେ ଏକ ପ୍ରବନ୍ଧ ଲେଖି, ଚୀନର କରୋନା ଟିକା ଉପରେ ପ୍ରଶ୍ନ କରୁଥିବା ଦେଶଗୁଡିକ ଏଥିରୁ ନିବୃତ୍ତ ରହିବାକୁ କହିଛନ୍ତି।
ଚୀନ୍ ପାଶ୍ଚାତ୍ୟ ଦେଶଗୁଡିକ ଉପରେ ଅଭିଯୋଗ କରିଛି ଯେ ଏହାର ଟିକା (ଚୀନ୍) ଉପରେ ପାରଦର୍ଶୀତାକୁ ନେଇ ପ୍ରଶ୍ନ ଉଠିଛି। ଗ୍ଲୋବାଲ ଟାଇମ୍ସ ଲେଖିଛି ଯେ ‘ ଚୀନ୍ ସମୟ ଅନୁସାରେ ଗୁରୁବାର ସକାଳେ ବ୍ରାଜିଲର ବୁଟନାନ ଇନଷ୍ଟିଚ୍ୟୁଟ୍ ରିପୋର୍ଟ କରିଛି ଯେ ଚୀନ୍ର ସିନୋଭାକ୍ କରୋନା ଟିକା ୫୦ ପ୍ରତିଶତରୁ ଅଧିକ ପ୍ରଭାବଶାଳୀ। ଏହାକୁ ଜରୁରୀକାଳୀନ ପରିସ୍ଥିତି ପାଇଁ ଅନୁମୋଦନ କରାଯାଇଛି । ଚାଇନାର କମ୍ପାନୀ ତୁର୍କୀ ଏବଂ ଇଣ୍ଡୋନେସିଆ ଭଳି ଅନ୍ୟ ଦେଶରେ ହୋଇଥିବା ପରୀକ୍ଷଣର ତଥ୍ୟ ସଂଗ୍ରହ ଏବଂ ବିଶ୍ଳେଷଣ କରିବ, କିନ୍ତୁ ପାଶ୍ଚାତ୍ୟ ଗଣମାଧ୍ୟମ ତୁରନ୍ତ ’ ପାରଦର୍ଶୀତା’ ଉପରେ ପ୍ରଶ୍ନ ଉଠାଇବା ଆରମ୍ଭ କରି ଦେଲା।’
ପ୍ରବନ୍ଧରେ ଆହୁରି ମଧ୍ୟ କୁହାଯାଇଛି ଯେ ସିନୋଭାକ୍ ଟିକା ତୃତୀୟ ପର୍ୟ୍ୟାୟ ପରୀକ୍ଷା ସମାପ୍ତ କରିବାରେ ବ୍ରାଜିଲ ପ୍ରଥମ ଦେଶ ଥିଲା । ଏହା ନିଶ୍ଚିତ କରିଛି ଯେ ଟୀକାକରଣର ପ୍ରଭାବ ୫୦ ପ୍ରତିଶତରୁ ଅଧିକ ଅଟେ । ସିନୋଭାକ୍ ଟିକା ତୃତୀୟ ପର୍ୟ୍ୟାୟରେ କୌଣସି ଗମ୍ଭୀର ପାର୍ଶ୍ୱ ପ୍ରତିକ୍ରିୟା ରିପୋର୍ଟ ହୋଇନାହିଁ। ଯଦିଓ ବ୍ରାଜିଲରେ ଏକ ଦୁର୍ଘଟଣା ବିଷୟରେ ଖବର ଆସିଥିଲା, କିନ୍ତୁ ଏହା ଶୀଘ୍ର ପ୍ରମାଣିତ ହେଲା ଯେ ଏହାର ଟୀକା ସହିତ କୌଣସି ସମ୍ପର୍କ ନାହିଁ ।

Comments
Loading...