ଜିଅନ୍ତା ସାପକୁ ଖାଇଲା ଏକ ବର୍ଷର ଶିଶୁ ; ଆଉ ତା’ପରେ….

ଉତ୍ତରପ୍ରଦେଶ : ଉତ୍ତରପ୍ରଦେଶର ବରେଲୀ ଜିଲାରେ ଏପରି ଏକ ଘଟଣା ସାମ୍ନାକୁ ଆସିଛି ଯାହା ଶୁଣି ଆପଣ ଆଶ୍ଚର୍ଯ୍ୟ ଚକିତ ହୋଇଯିବେ। ଏକ ଶିଶୁ ଖେଳୁଥିବା ସମୟରେ ଏକ ଜିଅନ୍ତା ସାପଟିକୁ ଗିଳି ଦେଲା। ମାତ୍ର ଠିକ ସମୟରେ ପିଲାଟିର ମାଆ ସାପର ଲାଞ୍ଜଟିକୁ ଦେଖି ତୁରନ୍ତ ସାପର ଲାଞ୍ଜ ଟାଣି ପିଲାଟିର ପାଟିରୁ ବାହାର କରିଦେଇଥିବା ଜଣାପଡ଼ିଛି। ଏହି ସମ୍ପୂର୍ଣ୍ଣ ଘଟଣା ବରେଲୀ ଫତେଗଞ୍ଜ ପଶିମଚୀ ଥାନା ଅନ୍ତର୍ଗତ ଭୋଲାପୁରର। ଏକ ବର୍ଷକର ପିଲାଟି ଖେଳୁ ଖେଳୁ ଉକ୍ତ ଜିଅନ୍ତା ସାପଟିକୁ ପାଟିରେ ପୁରାଇ ଦେଇଥିଲା। ପିଲାଟିର ମାଆ ସାପ ଲାଞ୍ଜ ଦେଖି ତା’ ପାଟିରୁ ସାପଟିକୁ ଟାଣି ବାହାର କରିବା ସହ ତୁରନ୍ତ ପିଲାଟିକୁ ହସ୍ପିଟାଲ ନେଇଥିଲେ।
ପିଲାଟିର ବାପାଙ୍କ କହିବା ଅନୁଯାୟୀ ଶନିବାର ସକାଳ ସମୟରେ ତାଙ୍କ ପୁଅ ଖେଳୁଥିବା ସମୟରେ ତା’ ନିକଟକୁ ସାପର ଏକ ଛୁଆ ପଳାଇ ଆସିଥିଲା। ପିଲାଟି ହଠାତ ସେହି ସାପ ଛୁଆକୁ ପାଟିରେ ପୁରାଇବା ମାତ୍ରେ ତା’ମାଆ ପାଟିରୁ ଲାଞ୍ଜ ଧରି ସାପକୁ ବାହାର କରି ଥିଲେ ମଧ୍ୟ ସେତେବେଳକୁ ସାପ ଛୁଆଟିର ମୃତ୍ୟୁ ହୋଇଥିଲା। ମୃତ ସାପଟିର ଲମ୍ବ ପ୍ରାୟ ୭ ଇଞ୍ଚ ଥିଲା।
ପିଲାଟିକୁ ତୁରନ୍ତ ହସ୍ପିଟାଲ ନେବା ପରେ ଚିକିତ୍ସା ଆରମ୍ଭ କରାଯାଇଥିଲା। ଡ଼ାକ୍ତରଙ୍କ ମତାନୁଯାୟୀ, ପିଲାଟିର ସ୍ୱାସ୍ଥ୍ୟାବସ୍ଥା ଠିକ ଅଛି। ଚିକିତ୍ସା ପରେ ପିଲାଟିକୁ ଘରକୁ ପଠାଯାଇଥିବା ଜଣାପଡ଼ିଛି।

Comments
Loading...