କୋଟାରେ କେନ୍ଦ୍ରୀୟ ଡାକ୍ତରୀଦଳ : ଶିଶୁ ମୃତ୍ୟୁ ସଂଖ୍ୟା ୧୦୪କୁ ବୃଦ୍ଧି
କୋଟା : ରାଜସ୍ଥାନର କୋଟା ଜେ.କେ. ଲୋନ୍ ହସ୍ପିଟାଲରେ ଶିଶୁ ମୃତ୍ୟୁ ସଂଖ୍ୟା ଶୁକ୍ରବାର ସୁଦ୍ଧା ୧୦୪ରେ ପହଞ୍ଚିଛି । ଶିଶୁ ମୃତ୍ୟୁ
ଘଟଣାର ଅନୁଧ୍ୟାନ କରିବା ତଥା ସହାୟତା ପାଇଁ କେନ୍ଦ୍ର ସରକାର ଏକ ଡାକ୍ତରୀଦଳ ପଠାଇଛନ୍ତି । ଏହି ଦଳରେ ବିଶିଷ୍ଟ ଶିଶୁ ରୋଗ ବିଶେଷଜ୍ଞ ରହିଥିବା ଜଣାପଡ଼ିଛି । ଡାକ୍ତରୀ ଦଳ ସେଠାରେ କିଭଳି ତୁରନ୍ତ ପଦକ୍ଷେପ ନିଆଯାଇ ପାରିବ ସେ ସମ୍ପର୍କରେ ରିପୋର୍ଟ ପ୍ରଦାନ କରିବେ । ଏହି ଉଚ୍ଚସ୍ତରୀୟ ଟିମରେ ଯୋଧପୁର ଏମ୍ସ ଏବଂ ଜୟପୁର ସ୍ୱାସ୍ଥ୍ୟ ନିର୍ଦ୍ଦେଶାଳୟର ବିଶେଷଜ୍ଞମାନେ ରହିଛନ୍ତି ।
ଆଜି ରାଜସ୍ଥାନର ଦୁଇ ଜଣ ମନ୍ତ୍ରୀ ରଘୁ ଶର୍ମା ଏବଂ ପ୍ରତାପ ସିଂହ ଏହି ହସ୍ପିଟାଲ ପରିଦର୍ଶନ କରିଛନ୍ତି । ଗତମାସରୁ ଏହି
ହସ୍ପିଟାଲରେ ଶିଶୁମାନଙ୍କର କ୍ରମାଗତ ମୃତ୍ୟୁ ହୋଇଥିବା ଅଭିଯୋଗ ହୋଇଛି ଏବଂ ଗତ ୩୩ଦିନ ମଧ୍ୟରେ ୧୦୪ ଜଣଙ୍କ ମୃତ୍ୟୁ ଘଟିଛି।
ଅନ୍ୟ ପକ୍ଷରେ ବିଏସପି ସୁପ୍ରିମୋ ମାୟାବତୀ ଏହି ଘଟଣା ନେଇ ଅଶୋକ ଗେହେଲଟ ସରକାରଙ୍କୁ କଡ଼ା ସମାଲୋଚନା କରିଛନ୍ତି। ଶୁଶୁ ମୃତ୍ୟୁ ରୋକିବାରେ ସରକାର ବିଫଳ ହୋଇଛନ୍ତି ବୋଲି ସେ ଅଭିଯୋଗ କରିଛନ୍ତି।
Comments are closed.