MEllora 950×100

୧୧୮ ଦିନ ପରେ ପ୍ରକାଶ ପାଇଲା ସିବିଏସଇ ଦଶମ ପରୀକ୍ଷା ଫଳ

ବାଜି ମାରିଲେ ଛାତ୍ରୀ, ବଢ଼ିଲା ପାସ୍ ହାର, ଭୁବନେଶ୍ଵର ରିଜିଅନରେ ୯୩.୨୦% ପାସ୍‌

ନୂଆଦିଲ୍ଲୀ: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ(ସିବିଏସଇ) ପକ୍ଷରୁ ଦଶମ ଶ୍ରେଣୀ ପରୀକ୍ଷା ଫଳ ବୁଧବାର ପ୍ରକାଶ କରାଯାଇଛି। ଛାତ୍ରଛାତ୍ରୀମାନେ ବୋର୍ଡର ଅଫିସିଆଲ ୱେବ୍‌ସାଇଟ୍‌ (cbseresults.nic.in, cbse.nic.in ଏବଂ results.nic.in)ରେ ନିଜର ଫଳାଫଳ ଦେଖିପାରିବେ। କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ ନିଶଙ୍କ ଟ୍ବିଟ୍‌ କରି ପରୀକ୍ଷା ଫଳ ଘୋଷଣା କରିଥିଲେ। ଏହି ଅବସରରେ ସେ ସମସ୍ତ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇଥିଲେ।

ଚଳିତବର୍ଷ ପାସ୍‌ ହାର ବୃଦ୍ଧି ପାଇଛି। ସର୍ବଭାରତୀୟ ସ୍ତରରେ ପାସ୍‌ ହାର ୯୧.୪୬% ରହିଛି। ଗତବର୍ଷ ଏହା ୯୧.୧୦ % ରହିଥିଲା। ଚଳିତଥର ପାସ୍‌ ହାର ୦.୩୬% ବୃଦ୍ଧି ପାଇଛି। ତେବେ ଥିରୁଭାନନ୍ତପୂରମ ରିଜିଅନରେ ପାସ୍‌ ହାର ସର୍ବାଧିକ ୯୯.୨୮% ରହିଥିବାବେଳେ ଭୁବନେଶ୍ଵର ରିଜିଅନରେ ୯୩.୨୦% ରହିଛି। ଗୁଆହାଟୀ ରିଜିଅନରେ ପାସ୍‌ ହାର  ସର୍ବନିମ୍ନ ୭୯.୧୨% ରହିଛି।

ସେହିପରି ଚଳିତବର୍ଷ ଛାତ୍ରଙ୍କୁ ପଛରେ ପକାଇଛନ୍ତି ଛାତ୍ରୀ। ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ୍‌ ହାର ଅଧିକ ରହିଛି। ଏବର୍ଷ ଛାତ୍ରଙ୍କ ପାସ୍‌ ହାର ୯୦.୧୪ % ଥିବାବେଳେ ଛାତ୍ରୀଙ୍କ ପାସ୍‌ ହାର ୯୩.୩୧ % ରହିଛି।

ଅନ୍ୟପଟେ ଏଥର କେନ୍ଦ୍ରୀୟ ବିଦ୍ୟାଳୟରେ ପାସ୍‌ ହାର ସର୍ବାଧିକ ୯୯.୨୩% ଥିବାବେଳେ ନବୋଦୟ ବିଦ୍ୟାଳୟରେ ୯୮.୬୬% ଏବଂ ଘରୋଇ ବିଦ୍ୟାଳୟରେ ପାସ୍‌ ହାର ୯୨.୮୧% ରହିଛି।

Comments are closed.