ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ କେନ୍ଦ୍ର ସରକାରରେ ଆସନ୍ତାକାଲି ବଡ ପରିବର୍ତ୍ତନ ହେବାର ସମ୍ଭାବନା ରହିଛି। ପୂର୍ବରୁ କେନ୍ଦ୍ର କ୍ୟାବିନେଟ ସମ୍ପ୍ରସାରଣ ନେଇ କଳ୍ପନା ଜଳ୍ପନା ପ୍ରକାଶ ପାଇଥିଲା ଓ ଆସନ୍ତା ଗୁରୁବାର ସକାଳେ ନୂଆ ମନ୍ତ୍ରୀମାନେ ଶପଥ ନେବାର କାର୍ଯ୍ୟକ୍ରମ ରହିଥିଲା। ତେବେ କିଛି ସମୟ ପୂର୍ବରୁ କେତେକ ଜାତୀୟ ଗଣମାଧ୍ୟମ ସୂଚନା ଅନୁଯାୟୀ, ଆସନ୍ତାକାଲି ଅର୍ଥାତ ବୁଧବାର ସନ୍ଧ୍ୟା ସମୟରେ ଏହି ଶପଥ ଗ୍ରହଣ କାର୍ଯ୍ୟକ୍ରମ ରାଷ୍ଟ୍ରପତି ଭବନର ଦରବାର ହଲରେ ଅନୁଷ୍ଠିତ ହେବ।
ଇତି ମଧ୍ୟରେ ଅନେକ ରାଜ୍ୟର କିଛି ତୁଙ୍ଗ ନେତା ନୂଆଦିଲ୍ଲୀରେ ପହଁଚିଥିବା ବେଳେ କୁହାଯାଉଛି ଯେ ସେମାନେ ଡାକରା ପାଇବା ପରେ ଆସିଛନ୍ତି ଓ ସେମାନେ ମନ୍ତ୍ରୀ ଭାବରେ ଶପଥ ନେବେ। ସୂଚନା ମୁତାବକ, କେନ୍ଦ୍ର କ୍ୟାବିନେଟରେ ୮୧ଟି ମନ୍ତ୍ରୀ ପଦ ଥିବା ବେଳେ ଏବେ ୫୩ ଜଣ ମନ୍ତ୍ରୀ ବିଭିନ୍ନ ବିଭାଗର ଦାୟିତ୍ୱ ତୁଲାଉଛନ୍ତି। ତେଣୁ ୨୮ଟି ମନ୍ତ୍ରୀପଦ ଖାଲିଥିବା ବେଳେ ଆସନ୍ତାକାଲି ୨୨ କିମ୍ବା ୨୩ ଜଣ ଶପଥ ନେବାର ସମ୍ଭାବନା ରହିଛି। ଅନ୍ୟ ପକ୍ଷରେ କେତେ ଜଣ ମନ୍ତ୍ରୀ ସେମାନଙ୍କ ପଦ ହରାଇବାର ମଧ୍ୟ ସମ୍ଭାବନା ରହିଛି।
Comments are closed.