MEllora 950×100

ମାର୍ଚ୍ଚ ଯାଏ ମାଗଣା ରାସନ, କେନ୍ଦ୍ର କ୍ୟାବିନେଟ୍‌ର ନିଷ୍ପତ୍ତି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା (ପିଏମ୍‌ଜିକେଏୱାଇ)ର ଅବଧିକୁ ଆଉ ୪ମାସ ବୃଦ୍ଧି କରାଯାଇଛି। ବୁଧବାର କେନ୍ଦ୍ର କ୍ୟାବିନେଟ ଯୋଜନାର ଅବଧି ବୃଦ୍ଧି ନିଷ୍ପତ୍ତିକୁ ଅନୁମୋଦନ କରିଛି। ନିଷ୍ପତ୍ତି ଅନୁଯାୟୀ ଡିସେମ୍ବର ୨୦୨୧ରୁ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଦେଶର ଗରିବ ଲୋକଙ୍କୁ ମୁଣ୍ଡପିଛା ମାସିକ ୫କିଲୋ ଲେଖାଏଁ ଖାଦ୍ୟଶସ୍ୟ ସମ୍ପୂର୍ଣ୍ଣ ମାଗଣାରେ ମିଳିବ। କରୋନା ମହାମାରୀ ପାଇଁ କେନ୍ଦ୍ର ସରକାର ୨୦୨୦ ଏପ୍ରିଲରୁ ପର୍ଯ୍ୟାୟ କ୍ରମେ ଗରିବ ଲୋକଙ୍କୁ ମାଗଣାରେ ଖାଦ୍ୟଶସ୍ୟ ଯୋଗାଇ ଦେଇଆସୁଛନ୍ତି। କ୍ରମାଗତ ୫ମ ଥର ପାଇଁ ଏହି ଯୋଜନାର ଅବଧିକୁ ବୃଦ୍ଧି କରାଯାଇଛି। ୫ମ ପର୍ଯ୍ୟାୟରେ ଯୋଜନାର ଅବଧି ବୃଦ୍ଧି ପାଇଁ କେନ୍ଦ୍ର ସରକାରଙ୍କୁ ଖାଦ୍ୟ ରିଆତି ବାବଦକୁ ଅତିରିକ୍ତ ୫୩,୩୪୪.୫୨ କୋଟି ଟଙ୍କା ଦେବାକୁ ପଡିବ। ଜାତୀୟ ଖାଦ୍ୟ ସୁରକ୍ଷା ଆଇନ (ଏନ୍‌ଏଫଏସ୍‌ଏ) ଅଧୀନରେ ପଞ୍ଜିକୃତ ଦେଶର ପ୍ରାୟ ୮୦ ଗରିବ ଲୋକଙ୍କୁ ମାସିକ ୫ କିଲୋ ଲେଖାଏଁ ଖାଦ୍ୟ ଶସ୍ୟ (ଗହମ ଓ ଚାଉଳ) ରିଆତି ଦରରେ ଯୋଗାଇ ଦିଆଯାଉଛି। କରୋନା ପାଇଁ ଏହି ଖାଦ୍ୟଶସ୍ୟକୁ ଏବେ ସମ୍ପୂର୍ଣ୍ଣ ମାଗଣାରେ ଦିଆଯାଉଛି।

Comments are closed.