ଜଳୁଛି ସଂରକ୍ଷିତ ଜଙ୍ଗଲ, ନାକେଦମ ବନବିଭାଗ

ଗୁଣପୁର : ସଂରକ୍ଷିତ ଜଙ୍ଗଲେ ଲାଗିଛି ନିଆଁ, ଏହାକୁ ଆୟତ୍ତ କରିବାକୁ ନକେଦମ ହେବାକୁ ପଡୁଛି ବନବିଭାଗକୁ। ଏଭଳି ଦୃଶ୍ୟ ଦେଖିବାକୁ ମିଳିଛି ରାୟଗଡା ଜିଲା ଗୁଣପୁର ବନାଞ୍ଚଳରେ। ଜଙ୍ଗଲର ପାଦଦେଶରେ ପୋଡୁଚାଷ  ଆରମ୍ଭ କରିଛନ୍ତି ଆଦିବାସୀମାନେ। ବର୍ଷ ତମାମ ଜଙ୍ଗଲ ସଫା କରିବାପରେ ନିଆଁ ଲଗାଇବା ଏହା ହିଁ ଉପଯୁକ୍ତ ସମୟ ପୋଡୁ ଚାଷୀମାନଙ୍କରେ। ଏହିଭଳି ପୋଡୁ ଚାଷ ଗତକିଛି ବର୍ଷହେଲା ଆଶାତୀତ ବୃଦ୍ଧି ପାଇଛି। ଏମାନଙ୍କୁ ସଚେତନତା ସୃଷ୍ଟି କରିବାରେ ବନବିଭାଗ ବିଫଳ ସାଙ୍ଗକୁ ଆଦିବାସୀମାନଙ୍କ ମୁଖ୍ୟ ଜୀବିକା ଏହି ପୋଡୁ ଚାଷ, ମହୁଳ, କାଜୁ ଅଟେ। ତେଣୁ ଏମାନେ ସରକାରୀ ବିଧିବ୍ୟବସ୍ଥାକୁ କୋଣଠେସା କରି ହେକ୍ଟର ହେକ୍ଟର ଜଙ୍ଗଲରେ ନିଆଁ ଲଗାଇବାକୁ ପଛାଉନାହାନ୍ତି ଏହି ଚାଷୀମାନେ। ଜଙ୍ଗଲର ନିଆଁ ଲଗାଇବା ଦ୍ୱାରା ଦୁର୍ଲଭ ଗଛ ସାଙ୍ଗକୁ ବହୁ ପଶୁପକ୍ଷୀ ଅକାଳ ଝଡି ପଡୁଛନ୍ତି। ତାହା ସହ ପଶୁପକ୍ଷୀ ଗାଁ ମୁହାଁ ହେବା ସହ ଉକ୍ତ ନିଆଁ ଲାଗି ଜଙ୍ଗଲ ପାଦଦେଶରେ ଥିବା ବସତି ପ୍ରତି ବିପଦସୃଷ୍ଟି କରୁଛି। ଆଜି ଗୋଟିଏ ଦିନରେ ଗୁଣପୁର ବନାଞ୍ଚଳରେ ୪ଟି ଜଙ୍ଗଲର ସ୍ଥାନେ ସ୍ଥାନେ ନିଆଁ ଲାଗିଛି। ଚିନାସାରୀ, ମୁକୁନ୍ଦପୁର ବନାଞ୍ଚଳର ୪ଟି ଜଙ୍ଗଲରେ ନିଆଁ ଲାଗିବା ସୂଚନା ପାଇଁ ସ୍ଥାନୀୟ ବନବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରୁଛନ୍ତି। ଆବଶ୍ୟକ ସଂଖ୍ୟକ କର୍ମଚାରୀ ନଥିବାରୁ ନିଆଁକୁ ଆୟତ୍ତ କରିବା ବନବିଭାଗକୁ ନାକେଦମ ହେବାକୁ ପଡୁଥିବା ଦେଖିବାକୁ ମିଳିଛି। ପ୍ରତି ଦିନ ଏଭଳି ଜଙ୍ଗଲରେ ନିଆଁ ଲାଗୁଥିବା ବେଳେ ବନବିଭାଗ କିଭଳି ଏହାର ମୁକାବିଲା କରି ପାରିବ ସେନେଇ ଚିନ୍ତାରେ ପଡିଛି। ଏନେଇ ସ୍ଥାନୀୟ ରେଞ୍ଜର ରଞ୍ଜନ କୁମାର ମହାନ୍ତିଙ୍କୁ ପଚାରିବାରୁ ଜଙ୍ଗଲର ନିଆଁର ସ୍ଥିତି ନିୟନ୍ତ୍ରଣ କରିବାକୁ ବିଭିନ୍ନ ଜଙ୍ଗଲରେ ଆମ କର୍ମଚାରୀ ନିୟୋଜିତ ହୋଇଛନ୍ତି। ଆୟତ୍ତ କରିବାକୁ ଉଦ୍ୟାମ କରାଯାଉଛି ବୋଲି ମତବ୍ୟକ୍ତ କରିଛନ୍ତି।

Comments
Loading...