ବୌଦ୍ଧ: ସାରା ରାଜ୍ୟରେ ଗାଡି ଜରିମାନାକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ପୁଣି ବୌଦ୍ଧ ଆଳିକ ପରିବହନ ପକ୍ଷରୁ ଗୁରୁବାର ଦିନ ଏକ ଯାତ୍ରୀ ବାହୀ ଘରୋଇ ବସକୁ ବଡ ଧରଣର ଫାଇନ କାଟିଥିବା ଜଣାପଡିଛି ।
ସୂଚନା ଅନୁଯାୟୀ, ଗତ ୩ ତାରିଖ ଦିନ ବୌଦ୍ଧ ଆଳିକ ପରିବହନ ବିଭାଗ ଭୁବନେଶ୍ୱରରୁ ବୌଦ୍ଧକୁ ଆସୁଥିବା ଯାତ୍ରୀବାହି ବସ ମିନାରକୁ ୬ଲକ୍ଷ ୭୨ହଜାର ୪୪୫ ଟଙ୍କାର ଫାଇନ ପକାଯାଇଥିଲା । ପୁଣି ଆଜି ଆଉ ଏକ ଯାତ୍ରୀ ବାହି ବସ ଜୟ ମା ବୁଢୀ ମା ( ଓଆର -୦୩-ବି-୬୧୮୫) ବରଗଡ ଠାରୁ ବିନିକା , ସୋନପୁର ହୋଇ ବୌଦ୍ଧ ଜିଲାର ଖୁଗୋରାକୁ ଚଳପ୍ରଚଳ କରିଥାଏ । ବୌଦ୍ଧ ଆଳିକ ପରିବହନ ଟ୍ରାଫିକ ଇନ୍ସପେକ୍ଟର ସୁଧିର କୁମାର ଖାଲକେ ଓ କର୍ମଚାରୀ ମାନେ ଦିନ ୨ଟା ସମୟରେ ଖୁଗୋରା ପେଟ୍ରୋଲପମ୍ପ ନିକଟରେ ଗାଡିକୁ ଅଟକାଇ କାଗଜ ପତ୍ର ଯାଞ୍ଚ କରିଥିଲେ । ଉକ୍ତ ଘରୋଇ ବସ୍ର ରୋଡ ଟେକ୍ସ ବାବଦକୁ ୧.୯.୨୦୧୮ ଠାରୁ ୩୧.୩.୨୦୨୦ ପର୍ଯ୍ୟନ୍ତ ୬ଲକ୍ଷ ୭୪ ହଜାର ୭୩୦ ଟଙ୍କା, ଇନସୁରାନସ ବାବଦକୁ ୨୦୦୦ ଟଙ୍କା, ପରମିଟ ବାବଦକୁ ୧୦ ହଜାର ଟଙ୍କା, ପ୍ରଦୂଷଣ ବାବଦକୁ ୧୦ ହଜାର ଟଙ୍କା, ଡ୍ରାଇଭିଙ୍ଗ ଲାଇସେନସ ବାବଦକୁ ୫ ହଜାର ଟଙ୍କା , ଫିଟନେସ ବାବଦକୁ ୫ ହଜାର ଟଙ୍କା ଓ ଅନ୍ୟ ବାବଦକୁ ୫୦୦ଟଙ୍କା ଫାଇନ କାଟିଥିବା ଜଣାପଡିଛି । ଉକ୍ତ ଗାଡିକୁ ସମୁଦାୟ ୭ ଲକ୍ଷ ୭ ହଜାର ୨୩୦ ଟଙ୍କା ଫାଇନ କଟା ଯିବା ସହ ଗାଡିକୁ ଘାପଡା ଫାଣ୍ଡିରେ ରଖା ଯାଇଥିବା ବୌଦ୍ଧ ଆଳିକ ପରିବହନ ଅଧିକାରୀ ଅମରେଶ ପାତ୍ର ସୂଚନା ଦେବା ସହ ଗାଡିର ମାଲିକ ସୋନପୁର ଜିଲା ବିନିକାର ସଞ୍ଜିବ ସାହୁ ବୋଲି ପ୍ରକାଶ କରିଅଛନ୍ତି । ଏହି ଯାଞ୍ଚ ସମୟରେ ଟ୍ରାଫିକ ଇନ୍ସପେକ୍ଟର ସୁଧିର କୁମାର ଖାଲକେ ଓ କର୍ମଚାରୀମାନେ ସାମିଲ ଥିଲେ।
Comments are closed.