ବୌଦ୍ଧ: ବୌଦ୍ଧଜିଲା ବିଜେପି ପକ୍ଷରୁ ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ୧୦୫ତମ ଜନ୍ମ ଜୟନ୍ତୀ ପାଳିତ ହୋଇଛି। ଜିଲା ବିଜେପି କାର୍ଯ୍ୟାଳୟଠାରେ ଆୟୋଜିତ କାର୍ଯ୍ୟକ୍ରମରେ ସଭାପତି ବିପ୍ରଚରଣ ମହାନ୍ତିି ଅଧ୍ୟକ୍ଷତା କରି ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ବଳିଷ୍ଠ ନେତୃତ୍ୱରେ ଭାରତୀୟ ଜନସଂଘ ଓ ରାଷ୍ଟ୍ରିୟ ସ୍ୱୟଂସେବକ ସଂଘର ମୂଳଦୁଆ ପଡିଥିବା ପ୍ରକାଶ କରିଥିେଲେ। ପୂର୍ବର ଭାରତୀୟ ଜନସଂଘର ଦିଗଦର୍ଶକ ତଥା ଜାତୀୟତା ଆନ୍ଦୋଳନର ଦାର୍ଶନିକ ରାଜନେତା, ପ୍ରବୀଣ ସାମ୍ବାଦିକ, ନିସ୍ୱାର୍ଥପର ସମାଜ ସେବକ, ଦେଶପ୍ରେମ ରାଷ୍ଟ୍ରନିତିଜ୍ଞଙ୍କ ଏହି ପବିତ୍ର ଜନ୍ମ ଜୟନ୍ତୀକୁ ୨୦୧୪ ଠାରୁ ଅନ୍ତୋଦୟ ଦିବସ ଭାବରେ ପାଳନ କରାଯାଉଛି।
ଏହି ଉତ୍ସବ ପାଳନ ଅବସରରେ ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯିବା ସହିତ ବୃକ୍ଷ ରୋପଣ,ଗରିବ କଲ୍ୟାଣ ଯୋଜନାରେ ଉପକୃତ ହୋଇଥିବା ହିତାଧିକାରୀମାନଙ୍କୁ ମୋଦୀ ବେଗ ବଣ୍ଟନ ଓ ଦଳୀୟ କାର୍ଯ୍ୟକର୍ତ୍ତାଙ୍କ ଉପସ୍ଥିତିରେ ତାଙ୍କର ଜୀବନ ଆଦର୍ଶ ସମ୍ବନ୍ଧରେ ଆଲୋଚନା ଚକ୍ର ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମ ଅବସରରେ ଜିଲା ବିଜେପି ସଭାପତି ଶ୍ରୀମହାନ୍ତିଙ୍କ ସହ ସମସ୍ତ ମଣ୍ଡଳ ସଭାପତି, ବରିଷ୍ଠ ନେତା କହ୍ନାଇଁ ଚରଣ ଡାଙ୍ଗ, ସୁଶାନ୍ତ କୁମାର ପ୍ରଧାନ, ମାଗୁଣି ଗାଈଗୌରିଆ, ମନୋରଂଜନ ଦାଶ, ସତ୍ୟାନନ୍ଦ ପାଣ୍ଡେ, ସୁଶାନ୍ତ ବାଘ, ପ୍ରେମାନନ୍ଦ ମିଶ୍ର, ମିନା ରାଣୀ ମିଶ୍ର, ନମିତା ରାଣୀ ଦାଶ, ରବି କୁମାର ଦେଓ, ରାମଜୀ ମେହେର ଓ ଶ୍ୟାମସୁନ୍ଦର ପୁରୋହିତଙ୍କ ସମେତ ବହୁ ସଂଖ୍ୟାରେ ଦଳୀୟ କାର୍ଯ୍ୟକର୍ତ୍ତା ଯୋଗ ଦେଇଥିଲେ।
Comments are closed.