ଭାରତୀୟ ପ୍ରଶାସନିକ ଅଧିକାରୀ ହୋଇ ଦୁର୍ନୀତି ମୁକ୍ତ ସମାଜ ଗଠନ କରିବା ମୋର ଲକ୍ଷ୍ୟ

ବୋଲଗଡ: ବୋଲଗଡ ବ୍ଲକ ପିଚୁକୁଳି ଗ୍ରାମପଞ୍ଚାୟତ ଅନ୍ତର୍ଗତ ଚମ୍ପାଇଲୋ ଗ୍ରାମର କମଳଲୋଚନ ରଣଜିତସିଂହଙ୍କ ପୁଅ ପାଲ୍‍ଗୁନି ରଣଜିତ୍‍ସିଂହ ଗତ ମାଟ୍ରିକ ପରୀକ୍ଷାରେ ସର୍ବୋଚ୍ଚ ୫୪୦ ନଂ ରଖି ଏ ୧ ଗ୍ରେଡରେ ପାସ୍‍ କରିଛନ୍ତି। ସେ ସମସ୍ତ ଗୁରୁଜନ, ଗୁରୁଜୀ ଓ ଗୁରୁମାମାନଙ୍କର ପ୍ରେରଣା ଓ ଆଶିର୍ବାଦ ପାଇ ଦିନକୁ ୮ରୁ ୧୦ଘଣ୍ଟା ପରିଶ୍ରମ କରି ଏହି ସଫଳତା ପାଇଛନ୍ତି ବୋଲି ସମାଜକୁ ସ୍ୱତନ୍ତ୍ର ବାର୍ତ୍ତା ମାଧ୍ୟମରେ କହିଛନ୍ତି। ଆଗାମୀ ଦିନରେ ବିଜ୍ଞାନ ବିଷୟରେ ପାଠପଢି ଭାରତୀୟ ପ୍ରଶାସନିକ ଅଧିକାରୀ ହୋଇ ଦୁର୍ନୀତି ମୁକ୍ତ ସମାଜ ଗଠନ କରି ଲୋକମାନଙ୍କର ସେବା କରିବାକୁ ଲକ୍ଷ୍ୟ ରଖିଛନ୍ତି। ସେ କହିଲେ ଯଦି ସମସ୍ତ ଛାତ୍ରଛତ୍ରୀ ନିଷ୍ଠା, ସାଧନା ଓ କଠିନ ପରିଶ୍ରମ କରିପାରିବେ ତେବେ ଗ୍ରାମାଞ୍ଚଳ ସ୍କୁଲରେ ଆଦର୍ଶ ଶିକ୍ଷାଦାନ ପାଇ ସଫଳ ହୋଇପାରିବେ। ଆଗାମୀ ସମାଜ ପାଇଁ ତାଙ୍କର ବାର୍ତ୍ତା ଥିଲା ସମସ୍ତ ଛାତ୍ରଛାତ୍ରୀ କଠିନ ପରିଶ୍ରମ କରନ୍ତୁ ଓ ଏହାର ସଫଳତା ନିଅନ୍ତୁ। ସରକାରୀ ଉଚ୍ଚ ବିଦ୍ୟାଳୟ ଅପେକ୍ଷା ବେସରକାରୀ ଉଚ୍ଚ ବିଦ୍ୟାଳୟର ସଂସ୍କୃତୀ ଓ ଶିକ୍ଷାଦାନ ଅତ୍ୟନ୍ତ ଉଚ୍ଚ କୋଟୀର।

Comments
Loading...