ବଢୁଛି କରୋନା ସଂକ୍ରମଣ, ବିଏମ୍ସି ଜାରି କଲା ନୂଆ କୋଭିଡ୍ କଟକଣା
ଭୁବନେଶ୍ବର: ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଭୁବନେଶ୍ବର ମହାନଗର ନିଗମ (ବିଏମସି) ପକ୍ଷରୁ ନୂଆ ଗାଇଡ୍ଲାଇନ୍ ଜାରି କରାଯାଇଛି। କୋଭିଡ୍ ସଂକ୍ରମମଣ ବୃଦ୍ଧି ଦୃଷ୍ଟିରୁ ବିବାହ, ଶୁଦ୍ଧି କାର୍ଯ୍ୟ, ସମ୍ମିଳନୀ, ସମାବେଶ ସମେତ କୌଣସି ସଂସ୍ଥା ଓ ଶିକ୍ଷାନୁଷ୍ଠାନର ବାର୍ଷିକ ଉତ୍ସବ ପାଳନ ଉପରେ ବିଏମ୍ସି ପକ୍ଷରୁ କଟକଣା ଲଗାଯାଇଛି। ବିଏମ୍ସିର ନୂଆ ଗାଇଡ୍ଲାଇନ୍ ଅନୁଯାୟୀ ଏଣିକି ବିବାହ ଉତ୍ସବରେ ୧୦୦ଜଣଙ୍କ ଉପସ୍ଥିତି ପାଇଁ ଅନୁମତି ମିଳିବ। ସେହିପରି ଶୁଦ୍ଧି କାର୍ଯ୍ୟରେ ସାମିଲ ହେବା ପାଇଁ ମାତ୍ର ୫୦ଜଣଙ୍କୁ ଅନୁମତି ଦିଆଯିବ। ବିବାହ ଓ ଶୁଦ୍ଧି କାର୍ଯ୍ୟରେ କୋଭିଡ୍ କଟକଣା କଡ଼ାକଡ଼ି ଭାବେ ପାଳନ କରାଯିବ। ଭୁବନେଶ୍ବରେ ଅନୁଷ୍ଠିତ ହେଉଥିବା ସମ୍ମିଳନୀ ଓ ସମାବେଶ ଉପରେ ବିଏମ୍ସି ପକ୍ଷରୁ କଟକଣା ଲଗାଯାଇଛି। କୌଣସି ଅନୁଷ୍ଠାନର ସୁବର୍ଣ୍ଣ, ରୌପ୍ୟ ଓ ଶତବାର୍ଷିକୀ ପାଳନକୁ ବାରଣ କରାଯାଇଥିବାବେଳେ କୌଣସି ସଂସ୍ଥା ଓ ଶିକ୍ଷାନୁଷ୍ଠାନର ବାର୍ଷିକ ଉତ୍ସବ ପାଳନ ହୋଇପାରିବ ନାହିଁ ବୋଲି କୁହାଯାଇଛି। ଆସନ୍ତା ଅପ୍ରିଲ୍ ୬ରୁ ବିଏମ୍ସିର ନୂଆ ଗାଇଡ୍ଲାଇନ୍ ଲାଗୁ କରାଯିବ ବୋଲି ଆଜି ବିଜ୍ଞପ୍ତି ପ୍ରକାଶ କରାଯାଇଛି। ଅପରକ୍ଷରେ ବିଏମସିର ବିନା ଅନୁମତିରେ କୌଣସି ସାମାଜିକ କାର୍ଯ୍ୟକ୍ରମ ଭୁବନେଶ୍ୱରରେ ହୋଇପାରିବ ନାହିଁ ବୋଲି ନୂଆ ଗାଇଡ୍ଲାଇନ୍ରେ ଦର୍ଶାଯାଇଛି।
ଆଜି ଭୁବନେଶ୍ବରରୁ ୪୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୧୪ ଜଣ କ୍ବାରେଣ୍ଟାଇନ୍ରୁ ହୋଇଥିବା ବେଳେ ୩୧ ଜଣ ଲୋକାଲ କେସ୍ ରହିଛନ୍ତି। ସେହିପରି ଆଜି ୧୨ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ବୋଲି ବିଏମ୍ସି ପକ୍ଷରୁ ଟ୍ବିଟ୍ ଯୋେଗ ସୂଚନା ଦିଆଯାଇଛି।
Update on newly detected #COVID19 cases in the last
24 hrs under the BMC area on 2nd Apr (till 9am). pic.twitter.com/ohhhSylEi9— BMC (@bmcbbsr) April 2, 2021
Comments are closed.