ବ୍ଲକ୍ କ୍ରୀଡ଼ା ସଂସଦ କାର୍ଯ୍ୟକାରୀ ବୈଠକ

ଚୌଦ୍ୱାର : ବ୍ଲକ୍ ସ୍ତରୀୟ ଦୌଡ଼କୁଦ ପ୍ରତିଯୋଗିତା ପାଇଁ ଟାଙ୍ଗୀ-ଚୌଦ୍ୱାର ବ୍ଲକ୍ କ୍ରୀଡ଼ା ସଂସଦର କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇ ଯାଇଛି । ବ୍ଲକ୍ କ୍ରୀଡ଼ା ସଂସଦ ଓ ଚୌଦ୍ୱାର ବିବେକାନନ୍ଦ ସୋସିଆଲ ଡେଭେଲପମେଣ୍ଟର ମିଳିତ ଆୟୋଜନରେ ଅନୁଷ୍ଠିତ ଏହି ବୈଠକରେ ଆସନ୍ତା ନଭେମ୍ବର ମାସ ୧୩ ଓ ୧୪ ତାରିଖ ଦୁଇଦିନ ବିଭିନ୍ନ କ୍ରୀଡ଼ା ପ୍ରତିଯୋଗିତା ଆୟୋଜନ କରାଯିବା ସମ୍ପର୍କରେ ଆଲୋଚନା କରାଯାଇଥିଲା । ସଂସଦର କାର୍ଯ୍ୟକାରୀ ସଭାପତି କୈଳାସ ଚନ୍ଦ୍ର ବରାଳଙ୍କ ପୌରୋହିତ୍ୟରେ ଅନୁଷ୍ଠିତ ଏହି ବୈଠକରେ ସମ୍ପାଦକ ବିଜୟ କୁମାର ସାହୁ ସୂଚନା ଦେଇଥିଲେଯେ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିବାପାଇଁ ବ୍ଲକ୍ ଓ ଚୌଦ୍ୱାର ପୌରାଞ୍ଚଳର ସମସ୍ତ ଶିକ୍ଷାନୁଷ୍ଠାନର ୧୨ବର୍ଷ,୧୪ବର୍ଷ, ୧୮ବର୍ଷ, ୨୦ବର୍ଷ  ଓ ୨୩ ବର୍ଷ ବର୍ଗରେ ବାଳକ ଓ ବାଳିକା ମାନେ ଅଂଶ ଗ୍ରହଣ କରିପାରିବେ। ଏଥି ସହିତ ଅଞ୍ଚଳର ଆଗ୍ରହୀ ଯୁବକ ଯୁବତୀ ମାନେ ମଧ୍ୟ ଏହି ପ୍ରତିଯୋଗିତାରେ ଭାଗ ନେଇ ପାରିବେ । ଏହି ପ୍ରତିଯୋଗିତାରେ ଯୋଗ୍ୟ ବିବେଚିତ ଖେଳାଳି ମାନେ ଜିଲା ସ୍ତରୀୟ ପ୍ରତିଯୋଗିତାରେ ଅଂଶ ଗ୍ରହଣ କରିବେ ବୋଲି ସେ ସୂଚନା ଦେଇଥିଲେ । ଏହି ପ୍ରତିଯୋଗିତା ଚୌଦ୍ୱାରସ୍ଥିତ ଗୋପବନ୍ଧୁ ହାଇସ୍କୁଲ ପଡ଼ିଆରେ ଅନୁଷ୍ଠିତ ହେବା ସ୍ଥିର କରାଯାଇଛି । ସଂଗଠନର ସଦସ୍ୟ ଭୀମସେନ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ ।

Comments
Loading...