ବଲାଙ୍ଗିରରେ ଆଜି ୭୫ ନୂଆ କରୋନା ଆକ୍ରାନ୍ତ ଚିହ୍ନଟ; କଣ୍ଟାବାଞ୍ଜି ଓ ବଲାଙ୍ଗିର ସହରରେ ବଢୁଛି ସଂକ୍ରମଣ

ବଲାଙ୍ଗିର: ବଲାଙ୍ଗିର ଜିଲାରେ ସୋମବାର ୭୫ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ବଲାଙ୍ଗିର ସହରରୁ ସୋମବାର ୨୮ ରୋଗୀ ଚିହ୍ନଟ ହୋଇଥିବା ବେଳେ କଣ୍ଟାବାଞ୍ଜିରୁ ଆଜିର ସର୍ବାଧିକ ୩୬ ଜଣ ରୋଗୀ ଚିହ୍ନଟ ହୋଇଛନ୍ତି। ଜଣେ କୋଭିଡ ଯୋଦ୍ଧା ଓ ଜଣେ ସୋନପୁର ଜିଲାର ରୋଗୀ ମଧ୍ୟ ଚିହ୍ନଟ ହୋଇଥିବା ଜିଲା ପ୍ରଶାସନ ସୂଚନା ଦେଇଛି।
ସୂଚନା ଅନୁସାରେ ବଲାଙ୍ଗିର ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ ବୃଦ୍ଧି ପାଇବାରେ ଲାଗିଛି । ଆକ୍ରାନ୍ତଙ୍କ ସଂଖ୍ୟା ଦୁଇ ହଜାର ସଂଖ୍ୟା ଅତିକ୍ରମ କରିସାରିଛି। ତେବେ ଜିଲାପ୍ରଶାସନ ସୂଚନା ଅନୁସାରେ ସୋମବାର ବଲାଙ୍ଗିର ସହରର ୨୬ ଜଣ କରୋନା ଆକ୍ରାନ୍ତ ଥିବା ଜଣାପଡିଛି। କ୍ଲବପଡାରୁ ୬ଜଣ ରୋଗୀ ଚିହ୍ନଟ ହୋଇଥିବା ବେଳେ ରିଜର୍ଭକଲୋନୀରୁ ୩ ଜଣ, କଂସାରୀପଡା ଓ ରାଧାରାଣୀପଡାରୁ ୨ଜଣ ଲେଖାଏଁ କରୋନାରେ ଆକ୍ରାନ୍ତ ହୋଇଛନ୍ତି। ସେହିପରି ଆନନ୍ଦନଗର, ଡାକ ମୁଖ୍ୟ କାର୍ଯ୍ୟାଳୟ, ସାଗରପଡା, ସଦର ପୁଲିସଷ୍ଟେସନ, ପୁଲିସ କଲୋନୀ, ସୁଦପଡା, ସତ୍ୟନାରାୟଣ ପଡା, ସିଡିଏମଓ କାର୍ଯ୍ୟାଳୟ ପଛପଟ, ଶାନ୍ତିପଡା(ସିଆରପିଏଫ), ଶାନ୍ତିପଡା, ଟିକ୍ରାପଡା, ପେଲେସଲାଇନ, ରିଜର୍ଭ କଲୋନୀ ଓ ଗାନ୍ଧିନଗରପଡାରୁ ଜଣେ ଲେଖାଏଁ କରୋନା ରୋଗୀ ଚିହ୍ନଟ ହୋଇଛନ୍ତି।
ଅନ୍ୟପକ୍ଷରେ କଣ୍ଟାବାଞ୍ଜି ସହରରେ କରୋନା ସଂକ୍ରମଣ ବେଶ ବୃଦ୍ଧି ପାଇଛି। କଣ୍ଟାବାଞ୍ଜି ସହରର ୩୬ ଜଣ ସୋମବାର ସଂକ୍ରମଣର ଶୀକାର ହୋଇଛନ୍ତି। ଆଗଲପୁର ବ୍ଲକ କେନ୍ଦୁମୁଣ୍ଡି, ମୁରଷୁଣରୁ ଜଣେ ଲେଖାଏଁ ରୋଗୀ ଚିହ୍ନଟ ହୋଇଛନ୍ତି। ପୁଇଁନ୍ତଲା ବ୍ଲକ ଲୁକାପଡାରୁ ୨ ଜଣ ଓ ଝାରବଲାଙ୍ଗିରରୁ ଜଣେ ରୋଗୀ କରୋନା ଆକ୍ରାନ୍ତ ହୋଇଛନ୍ତି। ବଲାଙ୍ଗିର ସଦର ବ୍ଲକ ଚନ୍ଦନଭାଟିରୁ ଜଣେ ରୋଗୀ ଚିହ୍ନଟ ହୋଇଥିବା ବେଳେ ତୁରେକେଲା ବ୍ଲକ ବୁରୋମାଲ, ସଇଁନ୍ତଲା ବ୍ଲକ ବଡମାଲ ଓ ଛାନଛଡାରୁ ଜଣେ ଲେଖାଏଁ ରୋଗୀ ସଂକ୍ରମିତ ହୋଇଛନ୍ତି । ସୋମବାର ୭୫ ଜଣ ରୋଗୀଙ୍କ ମଧ୍ୟରେ ଜଣେ କୋଭିଡ ଯୋଦ୍ଧା ସାମିଲ ଥିବା ବେଳେ ଜଣେ ରୋଗୀ ସୋନପୁର ଜିଲାର ହୋଇଥିବା ଜିଲା ପ୍ରଶାସନ ସୂଚନା ଦେଇଛି।

Comments
Loading...