ପାକିସ୍ତାନୀ ଝିଅକୁ ସହାୟତାର ହାତ ବଢାଇଲେ ଗମ୍ଭୀର : ହୃଦ୍ ଅସ୍ତ୍ରୋପଚାର ପାଇଁ ଡକାଇଲେ ଭାରତ

ନୂଆଦିଲ୍ଲୀ : ଭାରତର ପୂର୍ବତନ କ୍ରିକେଟର ତଥା ଭାରତୀୟ ଜନତା ପାର୍ଟି(ବିଜେପି) ସାଂସଦ ଗୌତମ ଗମ୍ଭୀର ଶନିବାର ଜଣେ ପାକିସ୍ତାନୀ ଝିଅକୁ ସହାୟତାର ହାତ ବଢାଇଛନ୍ତି। ପାକିସ୍ତାନର ଝିଅ ଓମେମା ଅଲି(୬ବର୍ଷ) ହୃଦ ରୋଗରେ ପୀଡ଼ିତ ଅଛନ୍ତି। ଯାହାଫଳରେ ତାଙ୍କୁ ହୃଦ୍ ଅସ୍ତ୍ରୋପଚାର(ହାର୍ଟ ଅପରେସନ)ର ଆବଶ୍ୟକତା ପଡୁଛି। ଏନେଇ ଗମ୍ଭୀର ଜାଣିବାପରେ ଓମେମାଙ୍କୁ ଭାରତ ଡାକି ତାଙ୍କର ଅତ୍ସୋପଚାର କରାଇବା ପାଇଁ ପ୍ରୟାସ କରିଛନ୍ତି। ତେଣୁ ଓମେମା ଓ ତାଙ୍କ ପରିବାର ଭାରତ ଆସି ଚିକିତ୍ସା କରାଇବା ନିମନ୍ତେ ସେ ବୈଦେଶିକ ମନ୍ତ୍ରୀ ଏସ୍‌. ଜୟଶଙ୍କରଙ୍କୁ ଭିସା ପ୍ରଦାନ କରିବା ପାଇଁ ପତ୍ର ଲେଖିଥିଲେ। ଗୌତମଙ୍କ ପତ୍ର ପାଇ ଜୟଶଙ୍କର ଏନେଇ ଇସଲାମାବାଦରେ ଥିବା ଭାରତୀୟ ହାଇ କମିସନଙ୍କୁ ଜଣାଇଥିଲେ। ଯାହାଫଳରେ ଭାରତୀୟ ହାଇ କମିସନ ତାଙ୍କୁ ଭିସା ପ୍ରଦାନ କରିଥିବା ଜଣାପଡିଛି। ଏନେଇ ଗମ୍ଭୀର ଟ୍ବିଟକରି ବୈଦେଶିକ ମନ୍ତ୍ରୀ ଏସ୍‌. ଜୟଶଙ୍କରଙ୍କୁ ଧନ୍ୟବାଦ ଜଣାଇଛନ୍ତି। 

उस पार से एक नन्हे दिल ने दस्तक दी,
इस पार दिल ने सब सरहदें मिटा दी।

उन नन्हे कदमों के साथ बहती हुई मीठी हवा भी आई है,
कभी-कभी ऐसा भी लगता है जैसे बेटी घर आई है।

Thank u @DrSJaishankar 4 granting visa to Pakistani girl& her parents for her heart surgery @narendramodi @AmitShah pic.twitter.com/zuquO2hnMv

— Gautam Gambhir (@GautamGambhir) October 19, 2019