କଂଗ୍ରେସର ମିଥ୍ୟା ପ୍ରଚାରର ଜବାବ ଦେଲା ବିଜେଡି

ରେଙ୍ଗାଲିକେମ୍ପ : ଅତାବିରା ଏନ୍ଏସି ର ବିକାଶ ପାଇଁ ବର୍ତ୍ତମାନ ଚାଲିଛି ସରଗରମ ଆଲୋଚନା , ସମାଲୋଚନା ଏବଂ ରାଜନୈତିକ ଛକାପଞ୍ଝା । ଗତକାଲି ଅତାବିରା କଂଗ୍ରେସ ପ୍ରେସ ବିବୃତିରେ ବିଜେଡି ଦଳ ପିସି ଖାଉଥିବାରୁ ଅଞ୍ଚଳର କିଛି ଉନ୍ନତି ମୂଳକ କାର୍ଯ୍ୟ ହୋଇପାରିନାହିଁ ବୋଲି ଅଭିଯୋଗ ଆଣିଥିଲା। ତାକୁ ନେଇ ଆଜି ବିଜେଡି ଜବାବ ରଖିଛି।

ଆଜି ଅତାବିରା କେକେ ଲଜ୍ ଠାରେ ଏନଏସି  ଉପାଧ୍ୟକ୍ଷା ଜ୍ୟୋତିର୍ମୟୀ ଦାଶଙ୍କ ସଭାପତିତ୍ବରେ ଏକ ସାମ୍ବାଦିକ ସମ୍ମିଳନୀ  ଅନୁଷ୍ଠିତ ହୋଇଥିଲା । ଏଥିରେ ଅତାବିରା ଏନଏସି ସଭାପତି ସିଦ୍ଧାର୍ଥ ଶଙ୍କର ପଣ୍ଡା ସଭା ପରିଚାଳନା କରିଥିଲେ । କାଉନସିଲର ରଘୁ ବାରିକ୍, ବନମାଳୀ  ବରିହା ଓ ଡ.ବିକ୍ରମ ଦାସ ମଞ୍ଚାସିନ ଥିଲେ। କଂଗ୍ରେସ କରିଥିବା ଅଭିଯୋଗ ତଥା ମିଥ୍ୟା ପ୍ରଚାରର ଜବାବ ଦେବାକୁ ଯାଇ  ବିଜେଡି ର ଶ୍ରୀଯୁକ୍ତ ପଣ୍ଡା କହିଥିଲେ ଯେ,  ଅତାବିରାରେ ପାର୍କ  ପାଇଁ ମାର୍ଚ୍ଚ ୨/୨୦୧୯ରେ ଚିଠି ନଂ ୪୯୨୦ ନଗର ଉନ୍ନୟନ ମନ୍ତ୍ରାଳୟ ପକ୍ଷରୁ ୭୫ଲକ୍ଷ ଟଙ୍କା ମଞ୍ଜୁର ହୋଇଆସିଛି। ଆଦର୍ଶ ସ୍ଵର୍ଗଦ୍ଵାର ପାଇଁ ଚିଠି ନଂ ୪୯୨୪ /ଐଟଊ ତା ୨/୩/୧୯ରେ ୭୫ଲକ୍ଷ ଟଙ୍କା ମଞ୍ଜୁର ପାଇଁ ଜିଲ୍ଲାପାଲଙ୍କ ପାଖକୁ ଯାଇଛି। କଂଗ୍ରେସ ର ଅଭିଯୋଗ ରହିଛି ଯେ, କଲ୍ୟାଣ ମଣ୍ଡପ ପାଇଁ ଜମି ଚିହ୍ନଟ ହୋଇ ନାହିଁ କିନ୍ତୁ ତାର ଉତ୍ତରରେ ବିଜେଡି  କହିଛି ଅତାବିରା ସରସ୍ଵତୀ ଶିଶୁ ମନ୍ଦିର ନିକଟରେ ରିକ କଲ୍ୟାଣ ମଣ୍ଡପ କରିବା ପାଇଁ ୧ କୋଟି ୮୦ଲକ୍ଷ  ଟଙ୍କାର ଆକଳନ ରାଶି ସୁପରିଷ୍ଟେଣ୍ଟ ଟେକ୍ନିକାଲ ସେକସନ୍ ପଠାଯାଇଛି।

୨୦ ଲକ୍ଷର ଅନୁଦାନ ରେ ନିର୍ମିତ ହେବାକୁ ଥିବା ମିନି ଷ୍ଟାଡିୟମ୍ ଚିଠି ନଂ ୦୫/ଊଝଙତା ୧୫/୧/ ୨୧ ଆନୁସାରେ ବିଧାୟିକା ପାଣ୍ଠିରୁ ୫ଲକ୍ଷ ପ୍ରଦାନ କରିଥିବା ସତ୍ୱେ ବଳକା ଯାହା ଦରକାର ପଡିବ ତାହା ମଧ୍ୟ ସେ ଦେବାପାଇଁ ପ୍ରତିଶ୍ରୁତି ଦେଇଛନ୍ତି କିନ୍ତୁ କରିବା କଟକଣା ଜନିତ ଲକଡ଼ାଉନ ଯୋଗୁଁ କାମ ବନ୍ଦ ରହିଛି ଯାହା ଆସନ୍ତା ମାର୍ଚ୍ଚ ଓ ଏପ୍ରିଲ ସୁଦ୍ଧା ଏହି ସମସ୍ତ କାର୍ଯ୍ୟ ପାଇଁ ଟେଣ୍ଡର କରାଯିବା ପାଇଁ ସ୍ଥିର ହୋଇଛି। ଏହା ବ୍ୟତୀତ ବିଜେଡି କ୍ଷମତାକୁ ଆସିବା ପରେ ୨୬୫ଜଣଙ୍କ ପାଇଁ ଆସିଥିବା ଆବାସ ଯୋଜନା ୨୨୦ଜଣଙ୍କୁ ଦିଆଯାଇଛି। ବାକି ରହିଥିବା ସବୁ ତଥା ନୂତନ ୨୭ଟି ଆବାସ ଯୋଜନା ଆସନ୍ତା ସପ୍ତାହରେ ବଣ୍ଟନ କରାଯିବା ବୋଲି ବିଜେଡି ପକ୍ଷରୁ ସୂଚନା ଦିଆଯାଇଛି।

Comments
Loading...