ବିଜେପିର ରାଜ୍ୟ ପଦାଧିକାରୀ ଡିଜିଟାଲ୍ ପ୍ଲାଟ୍ଫର୍ମ ବୈଠକ; ୬ ମାସ ପାଇଁ ପ୍ରସ୍ତୁତ ହେଲା ରାଜନୈତିକ ଖସଡ଼ା
ଭୁବନେଶ୍ବର: ଆଜି ବିଜେପି ରାଜ୍ୟ କାର୍ଯ୍ୟାଳୟରେ ଡିଜିଟାଲ୍ ପ୍ଲାଟ୍ଫର୍ମରେ ବିଜେପିର ପ୍ରଥମ ରାଜ୍ୟ ପଦାଧିକାରୀ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ରାଜ୍ୟ ସଭାପତି ସମୀର ମହାନ୍ତିଙ୍କ ଅଧ୍ୟକ୍ଷତା କରିଥିଲେ। ଏହି ବୈଠକରେ ରାଜ୍ୟ ସାଧାରଣ ସମ୍ପାଦକ (ସଂଗଠନ) ମାନସ ମହାନ୍ତି, ସାଧାରଣ ସମ୍ପାଦକ ଗୋଲକ ମହାପାତ୍ର ପ୍ରମୁଖଙ୍କ ସମେତ ରାଜ୍ୟର ବିଭିନ୍ନ ସ୍ଥାନରୁ ଅନ୍ୟ ପଦାଧିକାରୀ ଭିଡ଼ିଓ କନଫରେନ୍ସ ମାଧ୍ୟମରେ ଯୋଡି ହୋଇଥିଲେ। ଡିଜିଟାଲ୍ ପ୍ଲାଟ୍ଫର୍ମରେ ବିଜେପିର ପ୍ରଥମ ରାଜ୍ୟ ପଦାଧିକାରୀ ବୈଠକରେ ୬ ମାସ ପାଇଁ ରାଜନୈତିକ ଖସଡ଼ା ପ୍ରସ୍ତୁତ ହୋଇଛି। ବୈଠକ ପରେ ବିଜେପି ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ କହିଥିଲେ ଯେ ଦୁର୍ନୀତି, ନାରି ନିର୍ଯାତନା, କୋଭିଡ୍ ପରିଚାଳନା ସବୁଥିରେ ରାଜ୍ସୟ ରକାର ବିଫଳ ହୋଇଛନ୍ତି। ମନରେଗା, ପ୍ରଧାନମନ୍ତ୍ରୀ ଆବାସ ଯୋଜନାରେ ବି ଦୁର୍ନୀତି ହୋଇଛି। କୋଭିଡ୍ ପରିଚାଳନାରେ ତୃଟି ପାଇଁ ଭୟଙ୍କର ପରିସ୍ଥିତି ସୃଷ୍ଟି ହୋଇଛି। କୁପରିଚାଳନା ପାଇଁ ଓଡ଼ିଶା ହଟ୍ସ୍ପଟ୍ ହେବାକୁ ଯାଉଛି।
Comments are closed.