ଭୁଣ୍ଡିମୁହାଣ ପେସ୍କରେ ଚାଷୀଙ୍କୁ ୟୁରିଆ ଯୋଗାଣ

ଚୁଡାପାଲି : ବଲାଙ୍ଗିର ସଦର ବ୍ଲକ ଭୁଣ୍ଡିମୁହାଣ ପ୍ରାଥମିକ କୃଷି ସମବାୟ ସମିତିରେ ଆଜି ଅଣଋଣି ଚାଷୀଙ୍କୁ ସରକାରୀ ଦରରେ ୟୁରିଆ ସାର ଯୋଗାଇ ଦିଆଯାଇଛି। ଏହି ସମବାୟ ସମିତିରେ ୧୦ଖଣ୍ଡ ଗ୍ରାମର ୧୮୫୦ ଜଣ ଚାଷୀ ୮୦୦ ହେକ୍ଟର ଜମିରେ ଚାଷ କରୁଛନ୍ତିା ମୋଟ ୧୮୦ ବସ୍ତା ୟୁରିଆ ୧୮୦ଜଣ ଚାଷୀଙ୍କୁ ଜଣ ପିଛା ଗୋଟିଏ ବସ୍ତା ହିସାବରେ ଟ. ୨୬୬.୫୦ ମୂଲ୍ୟରେ ଯୋଗାଇ ଦିଆଯାଇଛି। ସ୍ଥାନୀୟ କୃଷି ଅଧିକାରୀଙ୍କ କହିବା ମୁତାବକ ଧାନ ଚାଷ ପାଇଁ ପ୍ରତି ହରକ୍ଟରକୁ ୭୫ କେ.ଜି. ୟୁରିଆ ସାର ଆବଶ୍ୟକ ରହିଥିବା ବେଲେ ସମୁଦାୟ ଅଣଋଣୀ ଚାଷୀ ଏବଂ ଋଣି ଚାଷୀଙ୍କୁ ଦୁଇ କିସ୍ତିରେ ମାତ୍ର ୩୨୧ ବସ୍ତା ୟୁରିଆ ସାର ସମିତି ମାଧ୍ୟମରେ ଯୋଗାଇ ଦିଆଯାଇଛି। ଅର୍ଥାତ ଆହୁରି ୯୦୦ ବସ୍ତା ଆବଶ୍ୟକତା ରହୁଥିବାବେଳେ ୟୁରିଆ ଉପଲବ୍ଧ ହୋଇ ପାରୁନାହିଁ , ଯାହାକି ଧାନର ଉତ୍ପାଦନ ଉପରେ ପ୍ରତିକୂଳ ପ୍ରଭାବ ପକାଇବ। ବିକ୍ରୟ ସମୟରେ ଚାଷୀଙ୍କ ଭିଡ ଲାଗିଥିବା ବେଳେ ସାର ପାଇ ନଥିବା ଚାଷୀ ଅସନ୍ତୋଷ ପ୍ରକାଶ କରିଛନ୍ତି। ସାର ବଣ୍ଟନର ସୁପରିଚାଳନା ସି.ଇ.ଓ. ଗୋପବନ୍ଧୁ ସାହୁ,ଭି.ଏ.ଡବ୍ଲୁ. ବାସନ୍ତି ବୁଡେକ, ରଞ୍ଜିତା ସାହୁ ସମେତ ଜିଲା ପରିଷଦ ସଭ୍ୟ ଶ୍ରୀଧର ବାରିକ ଏବଂ ସତ୍ୟନାରାୟଣ ଭୋଇ ସହଯୋଗ କରିଥିଲେ।

Comments
Loading...