ତଦନ୍ତ ତ୍ରୁଟିପୂର୍ଣ୍ଣ, ରୂପାପଲ୍ଲୀ ଗଣ ବଳାତ୍କାର ଓ ହତ୍ୟା ମାମଲାର ତଦନ୍ତ କରିବେ ରାଜ୍ୟ ମାନବିକ ଅଧିକାର କମିଶନ ଡିଜି

ବଗରଡ ଜିଲ୍ଲା ଭେଡେନ୍‍ ଥାନା ଅନ୍ତର୍ଗତ ରୂପାପଲ୍ଲୀ ଗାଁରେ ୩ ଜଣ ଦଳିତ ମହିଳାଙ୍କୁ ଗଣ ବଳାତ୍କାର ଓ ୨ ଜଣଙ୍କୁ ହତ୍ୟା ମାମଲାରେ ତଦନ୍ତ ରିପୋର୍ଟ ତ୍ରୁଟିପୂର୍ଣ୍ଣ ଦର୍ଶାଇ ଓଡିଶା ମାନବିକ ଅଧିକାର କମିଶନ ଏହାକୁ ଅଗ୍ରାହ୍ୟ କରିଛନ୍ତି। ଏବେ ଏହି ଘଟଣାର ତଦନ୍ତ କମିଶନଙ୍କ ଡିଜି କରିବେ। ଏହି ଘଟଣାରେ ବରଗଡ ଡିଏସପି ତଦନ୍ତ ରିପୋର୍ଟ ପ୍ରଦାନ କରିଥିଲେ ମଧ୍ୟ ଆବେଦନକାରୀ ଆଡଭୋକେଟ୍‍ ନିଶିକାନ୍ତ ମିଶ୍ର ତଦନ୍ତ ସଠିକ ଭାବେ ହୋଇନଥିବା ଦର୍ଶାଇଥିଲେ।

ସୂଚନା ଅନୁଯାୟୀ ଅଭିଯୋଗକାରୀ ଦର୍ଶାଇଥିଲେ ଯେ ପୁଲିସ କମିଶନଙ୍କ ନିର୍ଦ୍ଦେଶ ସତ୍ୱେ ଏତଲା ରୁଜୁ ନକରି ମାନବିକ ଅଧିକାର ଉଲଂଘନ କରିଥିବାରୁ ପିଡିତାଙ୍କୁ କାହିଁକି କ୍ଷତିପୂରଣ ଦିଆନଯିବ, ତାହା ଜଣାଇବାକୁ କମିଶନ ବରଗଡ ଏସପିଙ୍କୁ ନିର୍ଦ୍ଦେଶ ଦେଇଥିଲେ। ତେବେ ଏ ସଂପର୍କରେ କମିଶନଙ୍କୁ ପୁଲିସ ଜବାବ ଦେଇପାରିନାହିଁ। ଶ୍ରୀ ମିଶ୍ର ଅଭିଯୋଗ କରିଥିଲେ ଯେ ପ୍ରଜାକୋର୍ଟ ଦ୍ୱାରା ବାସନ୍ଦ ହୋଇଥିବା ଗୋଟିଏ ପରିବାରର ୩ ମହିଳାଙ୍କୁ ୨୦୧୬ ସେପ୍ଟେମ୍ବର ୨୩ରେ ଭେଡେନ୍‍ ଥାନାର କିଛି ପୁଲିସ୍‍ କର୍ମଚାରୀ ପୁଲିସ୍‍ ଭ୍ୟାନରେ ଉଠାଇ ନେଇ ବଳାତ୍କାର କରିଥିଲେ। ପରେ ସେହି ଗାଁରକିଛି ଲୋକ ସେମାନଙ୍କୁ ୧୦ ଦିନ ଜଙ୍ଗଲରେ ରଖି ବଳାତ୍କାର କରିଥିଲେ। ସେମାନଙ୍କ ମଧ୍ୟରୁ ଜଣେ ଖସି ଆସିଥିଲା ବେଳେ ଆଉ ଦୁଇଜଣଙ୍କୁ ସେମାନେ ହତ୍ୟା କରିଥିବା ଅଭିଯୋଗ ହୋଇଥିଲା। କିନ୍ତୁ ପୁଲିସ୍‍ ଏହା ଉପରେ କୌଣସି ପଦକ୍ଷେପ ନେଇନଥିଲା।

Comments
Loading...